លោក Volodymyr Zelenskyy ប្រធានាធិបតីនៃប្រទេសអ៊ុយក្រែន

នៅថ្ងៃព្រហស្បតិ៍ ទី៣០ ខែមីនា ឆ្នាំ២០២៣ លោក Volodymyr Zelenskyy ប្រធានាធិបតីអ៊ុយក្រែន នឹងថ្លែងសុន្ទរកថាតាមប្រព័ន្ធវីដេអូ ទៅកាន់ក្រុមប្រឹក្សាជាតិនៃ​សាធារណរដ្ឋអូទ្រីស(សភាជាន់ទាប)។ លោក Zelenskyy នឹងថ្លែងសុន្ទរកថា មិនមែនក្នុងអំឡុងពេលសម័យប្រជុំសាមញ្ញនៃសភាជាន់ទាបទេ ប៉ុន្តែជាផ្នែកមួយនៃអ្វី​ដែល​ហៅថាជា “ព្រឹត្តិការណ៍សភា” តាមការអញ្ជើញរបស់លោក Wolfgang Sobot ka ប្រធានក្រុមប្រឹក្សាជាតិអូទ្រីស។ នេះក៏ព្រោះតែគណបក្សសេរីភាពអូទ្រីស​ដែលជាគណបក្ស​ស្តាំនិយម ជ្រុលគាំទ្ររុស្ស៊ីបានបន្តរារាំងសុន្ទរកថារបស់លោក Zelenskyy ក្នុងអំឡុងពេលសម័យប្រជុំសភា។

កម្មវិធីខាងលើគ្រោងនឹងចាប់ផ្តើមនៅម៉ោង ៩៖០៥នាទី ភ្លាមៗនោះលោកប្រធានាធិបតីអ៊ុយក្រែន នឹងឡើងថ្លែងសុន្ទរកថា។ កម្មវិធីនេះនឹងមានការពិភាក្សាដេញដោល ដែលនៅពេលនោះតំណាងក្រុមសមា ជិកសភានឹងឡើងមានមតិយោបល់។ អូទ្រីសនឹងក្លាយជារដ្ឋមួយដែលជាសមាជិកសហភាពអឺរ៉ុបចុង ក្រោយគេ ដែលត្រូវបានមេដឹកនាំ​អ៊ុយក្រែនថ្លែងសុន្ទរកថាក្នុងសភារបស់ខ្លួន ក្នុងចំណោមប្រទេសជា សមាជិកសហភាពអឺរ៉ុបទាំង២៧ប្រទេស មានតែប្រទេសប៊ុលហ្គារី និងហុងគ្រីប៉ុណ្ណោះ ដែលនៅមិនទាន់ បានផ្តល់ឱកាសបែបនេះដល់ប្រធានាធិបតីអ៊ុយក្រែន…៕

https://en.lb.ua/news/2023/03/26/19879_zelenskyy_address_austrian.html