លោក Mitch McConnell ប្រធានក្រុមសមាជិកព្រឹទ្ធសភាគណបក្សសាធារណរដ្ឋ

រដ្ឋធានីវ៉ាស៊ីនតោន៖ លោក Mitch McConnell ប្រធានក្រុមសមាជិកព្រឹទ្ធសភានៃគណបក្សសាធា រណរដ្ឋ ដែលបានរងរបួសប៉ះទង្គិចក្បាល បន្ទាប់ពីរអិលដួលកាល​ពីខែដើម​ខែមីនា​ ឆ្នាំ២០២៣នេះ បាន បញ្ចប់ការព្យាបាលនៅមន្ទីរពេទ្យ កាលពីថ្ងៃសៅរ៍ ទី២៥ ខែមីនា ឆ្នាំ២០២៣។

លោក McConnell បានចេញសេចក្តីថ្លែងការណ៍មួយដែលផ្សព្វផ្សាយកាលពីល្ងាចថ្ងៃសៅរ៍នោះថា  លោកនឹងអនុវត្តន៍តាមការណែនាំរបស់គ្រូពេទ្យ និងចំណាយពេលប៉ុន្មានថ្ងៃ​ទៀតធ្វើការពីផ្ទះមក។សមា ជិកព្រឹទ្ធសភាសហរដ្ឋអាម៉េរិក មកពីរដ្ឋ Kentucky  រូបនេះបានសរសេរថា  “ខ្ញុំទាក់ទងជាមួយសហសេវិក ព្រឹទ្ធសភា និងបុគ្គលិករបស់ខ្ញុំជា​រឿយៗ”។ “ខ្ញុំទន្ទឹងរង់ចាំត្រឡប់ទៅធ្វើការដោយផ្ទាល់វិញនៅក្នុងព្រឹទ្ធសភា នាពេលឆាប់ៗនេះ”។

គួរបញ្ជាក់ផងដែរថា លោក McConnell វ័យ៨១ឆ្នាំ បានរអិលដួលនៅឯកម្មវិធីអាហារពេលល្ងាចមួយ កាលពីដើមខែមីនា ឆ្នាំ២០២៣ និងក្រោយមកត្រូវបាន​បញ្ជូនទៅកាន់​មន្ទីរពេទ្យ ដើម្បីទទួលការព្យាបាល ការប៉ះទង្គិចក្បាល។ លោក McConnell ក៏រងរបួសប្រេះឆ្អឹងជំនឺមួយនៅពេលរអិលដួលនោះ ​ហើយលោក ក៏ទទួលការព្យាបាលក្នុងពេល​តែមួយផងដែរ…៕

http://english.news.cn/20230326/616f16ed62c14b7cbf34bbcc689e33c4/c.html