លោក Paul Kagame ប្រធានាធិបតីនៃសាធារណរដ្ឋរវ៉ាន់ដា

សាធារណរដ្ឋរវ៉ាន់ដា មានផែនការក្នុងការធ្វើវិសោធនកម្មរដ្ឋធម្មនុញ្ញរបស់ខ្លួន ដើម្បីអនុញ្ញាតឱ្យការ បោះឆ្នោតប្រធានាធិបតី និងការបោះឆ្នោតសភាធ្វើឡើងក្នុងពេលតែមួយ។ នេះបើយោងតាមសេចក្តីថ្លែង ការណ៍មួយដែលគូសបញ្ជាក់ពីសេចក្តីសម្រេចរបស់គណៈរដ្ឋមន្រ្តីរវ៉ាន់ដា។ កាលពីថ្ងៃសុក្រ សប្តាហ៍មុន គណៈរដ្ឋមន្រ្តីបានអនុម័តសំណើរបស់​លោកប្រធានាធិបតី Paul Kagame ដើម្បីធ្វើវិសោធនកម្មរដ្ឋធម្ម នុញ្ញរបស់ប្រទេសមួយនេះ ដើម្បីអនុញ្ញាតឱ្យ “វេលានៃការបោះឆ្នោតសភា និងប្រធានាធិបតីធ្វើឡើងក្នុង ពេល​តែមួយ”។ ប៉ុន្តែមិនបានបញ្ជាក់ថា វិសោធនកម្មនេះនឹងចូលជាធរមាននៅពេលណានោះឡើយ។

ការបោះឆ្នោតសភា បច្ចុប្បន្នគ្រោងនឹងធ្វើឡើងនៅក្នុងខែសីហា ឆ្នាំ២០២៣នេះ ប៉ុន្តែប្រសិនបើការ កែរដ្ឋធម្មនុញ្ញត្រូវបានអនុវត្តន៍ នោះការបោះឆ្នោតសភា​ប្រហែលជា​ត្រូវ​ធ្វើឡើងនៅឆ្នាំ២០២៤ ដំណាល គ្នានឹងការបោះឆ្នោតប្រធានាធិបតី។ កន្លងមកកាលពីអតីតកាល មន្រ្តីរវ៉ាន់ដាធ្លាប់បានថ្លែងអំពីភាពចាំបាច់ ក្នុងការរៀបចំការបោះឆ្នោតទាំងពីរ ក្នុងពេលតែមួយ ដើម្បីកាត់បន្ថយចំណាយនៃការរៀបចំការបោះឆ្នោត ទាំងពីរ…៕

https://newsaf.cgtn.com/news/2023-03-26/Rwanda-plans-law-change-for-presidential-and-parliamentary-polls–1itet4aoqqI/index.html