លោក Pedro Sanchez នាយករដ្ឋមន្រ្តីនៃព្រះរាជាណាចក្រអេស្ប៉ាញ

កាលពីថ្ងៃពុធ ទី២២ ខែមីនា ឆ្នាំ២០២៣ សភាជាន់ទាបនៃព្រះរាជាណាចក្រអេស្ប៉ាញបានទាត់ ចោលសំណើជាលើកទី២ របស់គណបក្សស្ដាំនិយមជ្រុល Vox party ដែល​ស្នើបោះឆ្នោតដកសេចក្ដីទុក ចិត្តពីរាជរដ្ឋាភិបាលរបស់លោក Pedro Sanchez នាយករដ្ឋមន្ត្រីអេស្ប៉ាញ។

សភាជាន់ទាបអេស្ប៉ាញបានបង្ហោះសារក្នុងបណ្ដាញទំនាក់ទំនងសង្គម Twitter របស់ខ្លួនថា កិច្ច ប្រជុំពេញអង្គនៃសភាជាន់ទាបអេស្ប៉ាញ បានបោះឆ្នោតក្នុង​សំឡេង​គាំទ្រ ៥៣សំឡេងទល់នឹង ២០១ សំឡេង និងអនុបវាទ ៩១សំឡេង ទាត់ចោលសំណើបោះឆ្នោតដកសេចក្ដីទុកចិត្តពីរាជរដ្ឋាភិបាលរបស់ លោក Pedro Sanchez ដែលចុះ​ហត្ថលេខាដោយសមាជិកសភាគណបក្ស Vox party ដែលក្នុងនោះ រួមទាំង លោក Ramon Tamames ដែលជាបេក្ខជនប្រមុខរដ្ឋាភិបាលរបស់គណបក្សផងដែរ។។

គណបក្ស  Vox party  ដែលតំណាងដោយសមាជិកសភាចំនួន  ៥២រូប  នៅក្នុងសភាជាន់ទាប៣៥០អាសនៈ ត្រូវការការគាំទ្រយ៉ាងហោចណាស់ ១៧៦សំឡេង ពី​សមាជិកសភា ដើម្បីអាចអនុម័តគាំទ្រការបោះឆ្នោតដកសេចក្ដីទុកចិត្តពីរាជរដ្ឋាភិបាលបាន។ កាលពីចុងខែកុម្ភៈ ឆ្នាំ២០២៣ លោក Santiago Abascal មេដឹកនាំគណបក្ស Vox party បានថ្លែងថា   គណបក្សរបស់លោកបានដាក់ញត្តិដកសេចក្តីទុកចិត្តពីរាជរដ្ឋាភិបាល និងបានអំពាវនាវឱ្យសមាជិកសភាពិភាក្សាគ្នាឱ្យបានឆាប់បំផុតតាម​ដែលអាច​ធ្វើ​បានពីលទ្ធភាពនៃការរំលាយសភាត្រឹមថ្ងៃទី០៤ ខែមេសា ឆ្នាំ២០២៣ និងរៀបចំការបោះឆ្នោតសកល ថ្ងៃទី២៨ ខែឧសភា ឆ្នាំ២០២៣។

គួរបញ្ជាក់ផងដែរថា នេះគឺជាញត្តិដកសេចក្តីទុកចិត្តជាលើកទី៦ ហើយនៅក្នុងសភាអេស្ប៉ាញ ចាប់ តាំងពីប្រទេសមួយនេះ បានផ្ទេរអំណាចពីរបបផ្តាច់ការ មកកាន់របប​ប្រជា​ធិបតេយ្យ ចាប់ពីចុងទសវត្សរ៍ ឆ្នាំ១៩៧០មក។ ធ្លាប់មានតែម្ដងគត់ ដែលនាយករដ្ឋមន្ត្រីអេស្ប៉ាញ ត្រូវបានដកចេញពីអំណាចតាម មធ្យោបាយបែបនេះ កាលពីជិត៥ឆ្នាំមុន ដែលនៅពេលនោះ លោកនាយករដ្ឋមន្ត្រី Mariano Rajoy បានស្នើសុំចុះចេញពីអំណាច៕

http://ព័ត៌មានសភាទ្វីបអឺរ៉ុប ២៣-០៣-២៣- ឈាវ សុផាត ប្រែសម្រួលពី៖ https://www.urdupoint.com/en/world/spanish-lower-house-rejects-no-confidence-mot-1663942.html