លោកស្រី Nancy Pelosi អតីតប្រធានសភាតំណាងសហរដ្ឋអាម៉េរិក

សភានិរទេសនីតិកាលទី១៧ នៅក្នុងថ្ងៃទី៤ នៃសម័យប្រជុំថវិកា បានអនុម័តជាឯកច្ឆន្ទនូវ “សេចក្តី សម្រេចសម្តែងការដឹងគុណ” ផ្តល់ជាកិត្តិយសដល់លោកស្រី Nancy Pelosi អតីតប្រធានសភាសហរដ្ឋ អាម៉េរិកចំពោះការគាំទ្រដោយឥតងាករេ និងឥតឈប់ឈររបស់លោកស្រីដល់ទីបេ និងប្រជាជនទីបេ។

លោកស្រី Tsering Lhamo សមាជិកសភាទីបេបានគូសបញ្ជាក់ពីការគាំទ្រដ៏ស្មោះស្ម័គ្ររបស់លោកស្រី Pelosi និងការប្តេជ្ញាចិត្តម្តងហើយម្តងទៀតនាំមុខគេក្នុង​បុព្វហេតុ​ដើម្បីទីបេ នៅក្នុងសភាសហរដ្ឋអាម៉េរិក និងបានអំពាវនាវឱ្យមានសិទ្ធិមនុស្ស និងសេរីភាពសាសនា សម្រាប់ប្រជាជនទីបេនៅតំបន់ទីបេ។ សមាជិកសភារូបនេះ បានគូស​បញ្ជាក់ពីការគាំទ្រឥតងាករេលើច្បាប់គោលនយោបាយទីបេឆ្នាំ២០១៩ ដើម្បីពង្រឹងការប្តេជ្ញាចិត្តរបស់សហរដ្ឋអាម៉េរិក ចំពោះប្រជាជនទីបេ និងសិទ្ធិ ក្នុងការការពារ​អត្តសញ្ញាណ ដាច់ដោយឡែករបស់ពួកគេ។ ក្នុងចំណោមអាទិភាពផ្សេងៗទៀត សមាជិកសភាទីបេរូបនេះ ក៏បានបង្ហាញ នូវការដឹងគុណផងដែរដល់ភាពក្លាហាន និងការ​លះបង់​របស់លោកស្រី Pelosi ឱ្យចិនទទួលខុសត្រូវ ចំពោះការសង្កត់សង្កិនលើប្រជាជនទីបេ និងការបដិសេធសិទ្ធិជាមូលដ្ឋានរបស់ប្រជាជនទីបេ…៕

http://www.phayul.com/2023/03/19/48082/