លោកស្រី Yang Geum-deok ជនរងគ្រោះធ្វើការដោយបង្ខំក្នុងសម័យសង្គ្រាមចូលរួមក្នុងកិច្ចប្រជុំពេញអង្គគណៈកម្មាធិការការបរទេសនៃរដ្ឋសភាកូរ៉េខាងត្បូង    នាថ្ងៃទី១៣ ខែមីនា ឆ្នាំ២០២៣

រដ្ឋធានីសេអ៊ូល៖ កាលពីថ្ងៃចន្ទ ទី១៣ ខែមីនា ឆ្នាំ២០២៣ គណបក្សប្រឆាំងដ៏ធំជាងគេរបស់សាធារណរដ្ឋកូរ៉េ (កូរ៉េខាងត្បូង) គឺគណបក្សប្រជាធិបតេយ្យ (DP) បានកោះ​ប្រជុំគណៈកម្មាធិការការបរទេសនៃរដ្ឋសភាជាឯកតោភាគី ដើម្បីបង្ហាញខ្លួនជនរងគ្រោះធ្វើការដោយបង្ខំ ១ រូប ក្នុងសម័យសង្គ្រាមក្នុងអតីតកាល ដែលបានប្រកាសថ្កោល​ទោស​សេចក្តីសម្រេចរបស់រដ្ឋាភិបាល ចំពោះការសងសំណងជនរងគ្រោះផ្ទាល់បែបនេះ ដោយមិនពាក់ព័ន្ធដល់ប្រទេសជប៉ុន។

គណបក្សកាន់អំណាច គឺគណបក្សអំណាចប្រជាជន បានធ្វើពហិការមិនចូលរួមក្នុងកិច្ចប្រជុំនោះ ឡើយ ដោយបានចោទប្រកាន់គណបក្សប្រជាធិបតេយ្យថា ការរៀបចំកិច្ច​ប្រជុំនេះ គ្មានកិច្ចព្រមព្រៀង ក្នុងការប៉ុនប៉ងមួយធ្វើឱ្យប៉ះពាល់ជាវិជ្ជមានដល់ដំណើរទស្សនកិច្ចនៅរាជធានីតូក្យូនាពេលខាងមុខ របស់ លោក Yoon Suk Yeol ប្រធានា​ធិបតី​កូរ៉េខាងត្បូង សម្រាប់កិច្ចប្រជុំកំពូល ជាមួយលោក Fumio Kishida នាយករដ្ឋមន្ត្រីជប៉ុន។

ដំណើរទស្សនកិច្ចរបស់លោក Yoon នេះ ធ្វើឡើងរយៈពេល ២ ថ្ងៃ ពីថ្ងៃទី១៦-១៧ ខែមីនា​ ឆ្នាំ២០២៣ ដែលជាសញ្ញាមួយនៃដំណើរទស្សនកិច្ចថ្នាក់​ប្រធានាធិបតី​ទ្វេភាគីលើកដំបូងនៅប្រទេស​ជប៉ុនក្នុងរយៈពេល១២ ឆ្នាំ កន្លងមកនេះ។ ដំណើរទស្សនកិច្ចនេះ ធ្វើឡើងបន្ទាប់ពីប្រទេសកូរ៉េខាងត្បូង បានប្រកាសសេចក្តីសម្រេចនេះ កាលពីសប្តាហ៍មុន ចំពោះការសងសំណងជនរងគ្រោះធ្វើការដោយបង្ខំ ជាមួយនឹងការបរិច្ចាគជាសាធារណៈ ជាជាងថវិកាដែលបានមកពីក្រុមហ៊ុននានារបស់ជប៉ុន ដែលត្រូវ​បានប្រើប្រាស់កម្លាំងពលកម្មបែបនេះ។

​ទោះបីជាយ៉ាងណាក៏ដោយ ផែនការនេះ ត្រូវបានរងការរិះគន់យ៉ាងខ្លាំងពីជនរងគ្រោះមួយចំនួន,   ក្រុមប្រជាពលរដ្ឋ និងគណបក្សប្រឆាំងនានា។ ក្រុមអ្នករិះគន់បានលើក​ឡើងថា វាគ្មានន័យឡើយ​ស​ម្រាប់ប្រទេសកូរ៉េខាងត្បូងដែលសងជាសំណងដល់ជនរងគ្រោះទាំងនេះ ខណៈពេលដែលពួកគេបានទាញយកប្រយោជន៍ពីការងាររបស់​ក្រុម​ហ៊ុនជប៉ុន។ គណបក្សប្រជាធិបតេយ្យ បានប្រកាសថ្កោលទោស សេចក្តីសម្រេចនេះថា បានធ្វើឱ្យប៉ះពាល់ដល់ទំនាក់ទំនងការទូតយ៉ាងធ្ងន់ធ្ងរមិនធ្លាប់មានពីមុនមក៕

http://ព័ត៌មានសភាទ្វីបអាស៊ី ១៥-០៣-២៣-កែវ ធាវី ប្រែសម្រួលពី៖ https://en.yna.co.kr/view/AEN20230313006600315