ពីវិទ្យាស្ថាននៃមន្ទីរពិសោធន៍មេរោគ Wuhan

សភាតំណាងសហរដ្ឋអាមេរិក បានអនុម័តយល់ព្រមជាឯកច្ឆន្ទលើសេចក្តីព្រាងច្បាប់ដែលមានគោល បំណងប្រកាសប្រាប់ជាសាធារណៈស្តីពីព័ត៌មាន​ស៊ើបការណ៍អំពី​ទំនាក់ទំនងដែលអាចកើតមានរវាងវីរុសកូរ៉ូណា (កូវីដ-១៩) និងមន្ទីរពិសោធន៍នៃសាធារណរដ្ឋប្រជាមានិតចិន ដែលវីរុសនេះត្រូវបានគេសង្ស័យ ថាបានលេចធ្លាយ។

កាលពីសប្តាហ៍មុន ព្រឹទ្ធសភាសហរដ្ឋអាមេរិកបានអនុម័តយល់ព្រមលើសំណើរបស់លោក Avril Haynes នាយកទីភ្នាក់ងារស៊ើបការណ៍សម្ងាត់ជាតិ ដើម្បីប្រកាសប្រាប់ជា​សាធារណៈស្តីពីឯកសារពាក់ព័ន្ធ នឹងបញ្ហានេះ ដែលមានន័យថា សេចក្តីព្រាងច្បាប់នេះមិនមានអ្វីនៅសល់ ក្រៅពីត្រូវបញ្ជូនទៅកាន់សេតវិមាន ដើម្បីដាក់ឱ្យលោកប្រធានា​ធិបតី Joe Biden ចុះហត្ថលេខាលើសេចក្តីព្រាងច្បាប់នេះ។ មន្ត្រីសុខាភិបាលអាមេរិក និងទីភ្នាក់ងារស៊ើបការណ៍សម្ងាត់នៅតែបែងចែកពីប្រភពដើមនៃវីរុសនេះ ហើយថា​តើវាត្រូវបានចម្លងពីសត្វដែលមានផ្ទុកវីរុសទៅកាន់មនុស្ស ឬក៏ជាបញ្ហានៃការលេចធ្លាយពីវិទ្យាស្ថាននៃមន្ទីរពិសោធន៍មេរោគ Wuhan។ លោក Robert Redfield អតីត​នាយកមជ្ឈមណ្ឌលគ្រប់គ្រង និងការពារជំងឺ បាននិយាយការពារទ្រឹស្តីនៃការលេចធ្លាយនៅចំពោះមុខព្រឹទ្ធសភាកាលពីថ្ងៃពុធសប្តាហ៍មុនខណៈដែល “វិទ្យាស្ថានជាតិនៃ​អាឡែ​រហ្ស៊ី និងជំងឺឆ្លង” និង “វិទ្យាស្ថានជាតិសុខភាព” គាំទ្រចំពោះសម្មតិកម្មនៃនៃការចម្លងមេរោគពីសត្វដែលមានមេរោគ។

នៅក្នុងបរិបទដែលពាក់ព័ន្ធ គណបក្សសាធារណរដ្ឋនៅក្នុងសភាតំណាងបានបង្ហាញឡើងវិញនូវច្បាប់មួយកាលពីថ្ងៃមុន ដោយអនុញ្ញាតឱ្យពលរដ្ឋអាមេរិកអាចប្តឹង​ប្រទេស​ចិន​​ដែលបដិសេធទ្រឹស្តីលេចធ្លាយ។ លោក Chris Smith សមាជិកសភាតំណាង បានមានប្រសាសន៍ថា “ទីបំផុតយើងបានឈានដល់ ចំណុចខាងក្រោមនៃអ្វីដែលបាន​កើត​ឡើងហើយមានអ្នកណាខ្លះដែលជាប់ពាក់ព័ន្ធក្នុងការបោកបញ្ឆោត នេះ ដើម្បីផ្តល់នូវយុត្តិធម៌ដល់អ្នកដែលបានរងទុក្ខយ៉ាងធ្ងន់ធ្ងរពីជំងឺកូវីដ-១៩”៕

http://ព័ត៌មានសភាទ្វីបអាមេរិក ១៣-០៣-២៣-ផាត់ ត្រដែត ប្រែសម្រួលពី៖ https://globeecho.com/politics/the-us-house-of-representatives-agrees-to-declassify-the-documents-of-the-origin-of-corona/