ស្ថាប័ននីតិប្បញ្ញត្តិជាតិរបស់ចិនសម្រេចរៀបចំក្រុមប្រឹក្សារដ្ឋមន្ត្រីថ្មីឡើងវិញ

រដ្ឋធានីប៉េកាំង៖ ស្ថាប័ននីតិប្បញ្ញត្តិជាតិនៃសាធារណរដ្ឋប្រជាមានិតចិន បានសម្រេចរៀបចំក្រុមប្រឹក្សារដ្ឋមន្ត្រីថ្មី ឬគណៈរដ្ឋមន្ត្រីថ្មីឡើងវិញ នៅក្នុងសម័យប្រជុំសភាប្រចាំឆ្នាំ កាលពីព្រឹកថ្ងៃអាទិត្យ ទី១២ ខែមីនា ឆ្នាំ២០២៣។ ពាក់ព័ន្ធនឹងការតែងតាំង លោក Li Qiang ជានាយករដ្ឋមន្ត្រីចិន, ឧបនាយករដ្ឋមន្ត្រីជាច្រើនរូបក្រុមប្រឹក្សារដ្ឋជាច្រើនរូប, រដ្ឋមន្ត្រីក្រសួងនានា, អគ្គទេសាភិបាលធនាគារកណ្តាល ១ រូប, អគ្គសវនករ​ ១ រូប និងអគ្គលេខាធិការក្រុមប្រឹក្សារដ្ឋ ១ ​រូប ត្រូវបានយល់ស្របដោយអង្គសភាទាំងមូល នៅក្នុងកិច្ចប្រជុំពេញអង្គ លើកទី៥ នៃសម័យប្រជុំលើកទី១ នៃសភាប្រជាជនចិននីតិកាលទី១៤។ លោក Xi Jinping ប្រធានាធិបតីចិន បានចុះហត្ថលេខាលើក្រឹត្យ​ប្រធានា​ធិបតីមួយស្តីពី ការតែងតាំងមន្ត្រីជាន់ខ្ពស់ជាច្រើនរូបនេះ៕

https://english.news.cn/20230312/d78c9dc0e12848a1a28d2fc6d8be3220/c.html