រូបភាពបង្ហាញពីសិស្សមត្តេយ្យក្នុងក្រុង Hangzhou ខេត្ត Zhejiang ប្រទេសចិន (Photo/China News Service)

ទីភ្នាក់ងារសារព័ត៌មាន ECNS ៖ សាស្ត្រាចារ្យ ១ រូប មកពីមន្ទីរពេទ្យចិនភាគខាងលិច (West China Hospital) និងសកលវិទ្យាល័យមួយនៅខេត្ត Sichuan បានស្នើឱ្យ​រដ្ឋាភិបាលចិនផ្តល់ការអប់រំដោយឥតបង់ថ្លៃ ចាប់ពីថ្នាក់ មត្តេយ្យសិក្សា រហូតដល់ថ្នាក់វិទ្យាល័យ ​សម្រាប់កូនទី៣ ដើម្បីលើកទឹកចិត្តឱ្យប្រជាជនមានកូនច្រើន។                   លោក Gan Huatian ដែលជាសមាជិកសភាប្រឹក្សានយោបាយប្រជាជនចិន ១ រូប ផងនោះ បានដាក់ស្នើ សេចក្តីព្រាងច្បាប់នេះ កាលពីមុនឆ្នាំ២០២៣ ទៅសម័យ​ប្រជុំសភាទាំងពីរ គឺសម័យប្រជុំប្រចាំឆ្នាំនៃសភា ប្រជាជនចិន និងសភាប្រឹក្សានយោបាយប្រជាជនចិន។ លោក Gan បានថ្លែងថា លោកនឹងដាក់ស្នើសេចក្តីស្នើ ច្បាប់នេះ ឱ្យមានភាពប្រសើរឡើង ដើម្បីផ្តល់ការគាំទ្រលើសេវាសាធារណៈសម្រាប់អ្នកមានកូនច្រើន ដែល អាចជួយជំរុញឱ្យមានកូនកាន់តែច្រើនថែមទៀត និងធ្វើឱ្យ​មានភាពប្រសើរឡើងនូវ​រចនាសម្ព័ន្ធប្រជាជន៕

https://www.ecns.cn/cns-wire/2023-03-01/detail-ihcmauea0321281.shtml