និម្មិតសញ្ញាអង្គការសន្ធិសញ្ញាអាត្លង់ទិកខាងជើង(NATO ឬ OTAN)

លោកស្រី Katalin Éva Novák ប្រធានាធិបតីប្រទេសហុងគ្រីបានទទូចឱ្យសមាជិកសភាផ្តល់សច្ចា ប័នដល់សាធារណរដ្ឋហ្វាំងឡង់ និងព្រះរាជាណាចក្រស៊ុយអែតចូល​អង្គការ​សន្ធិសញ្ញាអាត្លង់ទិកខាងជើង (NATO) ឱ្យបានឆាប់បំផុតតាមដែលអាចធ្វើបាន ក្នុងគ្រាដែលសមាជិកសភាកំពុងតែចាប់ផ្តើមពិភាក្សា លើញត្តិ បន្ទាប់ពីសេចក្តីព្រាងច្បាប់មួយ​នេះបានជាប់គាំងអស់ជាច្រើនខែនៅក្នុងសភា។

កាលពីឆ្នាំ២០២២ ស៊ុយអែត និងហ្វាំងឡង់បានដាក់ពាក្យចូលក្នុងសន្ធិសញ្ញាការពារអន្តរអាត្លង់ទិក បន្ទាប់ពីសហព័ន្ធរុស្ស៊ីបានចូលឈ្លានពានពេញទំហឹងលើ​ប្រទេស​អ៊ុយក្រែន។ សមាជិកអង្គការណាតូទាំង ៣០ ចាំបាច់ត្រូវគាំទ្រពាក្យស្នើសុំទើបអាចចូលបាន ក៏ប៉ុន្តែស៊ុយអែតត្រូវបានប្រទេសតួកគីជំទាស់ដោយ ចោទប្រកាន់ថាបាន​លាក់បំ​ពួននូវអ្វីដែលរដ្ឋាភិបាលទីក្រុងអង់ការ៉ាចាត់ទុកថា ជាសមាជិកក្រុមភេរវករ។

លោក Mevlut Cavusoglu រដ្ឋមន្រ្តីក្រសួងការបរទេសតួកគីបានថ្លែងថា កិច្ចពិភាក្សាជាមួយនឹង ស៊ុយអែត និងហ្វាំងឡង់ពាក់ព័ន្ធនឹងកិច្ចខិតខំប្រឹងប្រែង​របស់ពួកគេក្នុងការ​ចូលជា​សមាជិកអង្គការណាតូ នឹងបន្តឡើងវិញនៅថ្ងៃទី០៩ ខែមីនា ឆ្នាំ២០២៣ ប៉ុន្តែយ៉ាងណាក៏ដោយលោកបានថ្លែងថា ស៊ុយអែត​នៅមិនទាន់បានបំពេញកាតព្វកិច្ចរបស់ខ្លួន​តាមអនុស្សរណៈមួយ ដែលពួកគេបានចុះហត្ថលេខាកាល ពីឆ្នាំ២០២២ នៅឡើយទេ…៕

https://www.channelnewsasia.com/world/hungary-president-findland-sweden-nato-ratify-entry-3315131