លោកស្រី Stefania Zambelli សមាជិកសភាអឺរ៉ុបមកពីប្រទេសអ៊ីតាលី

ការិយាល័យរដ្ឋអាជ្ញាសាធារណៈអឺរ៉ុប (EPPO) បានថ្លែងថា លោកស្រី Stefania Zambelli សមាជិក សភាអឺរ៉ុប មកពីសាធារណរដ្ឋអ៊ីតាលីរួមជាមួយនឹងជំនួយការ ៤នាក់ របស់លោកស្រី កំពុងរងការស៊ើប អង្កេតពាក់ព័ន្ធនឹងការចោទប្រកាន់ថា បានប្រើប្រាស់ប្រាក់វិភាជន៍ពីសភាខុសខ្ទង់ចំណាយ។

សេចក្តីថ្លែងការណ៍មួយបានកត់សម្គាល់ថា ការស៊ើបអង្កេតលើលោកស្រី Zambelli មកពីគណបក្ស League Party អ៊ីតាលី និងជំនួយការរបស់លោកស្រីដឹកនាំដោយ​ការិយាល័យ EPPO នឹងអនុវត្តន៍ដោយ នគរបាលហិរញ្ញវត្ថុអ៊ីតាលីក្រោមបទសង្ស័យថាបានលួចបន្លំថវិការបស់សហភាពអឺរ៉ុប ពាក់ព័ន្ធនឹងប្រាក់ បៀវត្សរ៍របស់ជំនួយកា​រដែល​ត្រូវបានជ្រើសរើសមកបំពេញការងារ។ ការិយាល័យ EPPO បានបង្ហាញភស្តុ តាងថា ក្រុមជំនួយការមិនបានអនុវត្តន៍សកម្មភាពពាក់ព័ន្ធ​នឹងមុខងាររបស់ខ្លួន​ដែលត្រូវ​បានគេជ្រើសរើស ឱ្យបំពេញការងារ  ឬអនុវត្តន៍ដោយផ្នែក និងបានក្លែងឯកសារផ្ញើមកកាន់សភាអឺរ៉ុប។

លើសពីនេះពួកគេបានរាយការណ៍កុហកពីកម្រិតសញ្ញាបត្ររបស់ពួកគេ ដោយប្រកាសពីជំនាញ បណ្តុះបណ្តាលវិជ្ជាជីវៈដែលពួកគេគ្មាន។ សេចក្តីថ្លែងការណ៍ដដែលបាន​បន្តថា ការរឹបអូសថវិកាជាង ១៧០,០០០ អឺរ៉ូ(១៨០,៣៧៦ដុល្លារ) រួមមាន គណនីធនាគារ និងរថយន្តទំនើបត្រូវបានបញ្ចប់…៕

https://www.aa.com.tr/en/europe/european-lawmaker-aides-probed-over-alleged-misuse-of-funds/2832873