សភាជាន់ទាបជប៉ុនយល់ស្របលើសេចក្តីព្រាងច្បាប់ថវិកាជាតិ ១១៤​ លានលានយ៉េន សម្រាប់ឆ្នាំសារពើពន្ធ ២០២៣

កាលពីថ្ងៃអង្គារ ទី២៨ ខែកុម្ភៈ ឆ្នាំ២០២៣ សភាជាន់ទាបជប៉ុន បានអនុម័តយល់ព្រមលើសេចក្តី-ព្រាងច្បាប់ថវិកាជាតិ ១១៤​.៣៨ លានលានយ៉េន ស្មើនឹង (៨៤០ លាន ដុល្លារសហរដ្ឋអាមេរិក) សម្រាប់ ឆ្នាំសារពើពន្ធ ២០២៣ ដែលជាឆ្នាំសារពើពន្ធថ្មី នឹងចាប់ផ្តើមនៅខែមេសា ឆ្នាំ២០២៣ ខាងមុខ ខណៈដែលប្រទេសជាតិកំពុងតែប្រឈម មុខនឹងវិបត្តិនៃការចំណាយលើជីវភាពរស់នៅ និងការគំរាមកំហែង ដល់សន្តិសុខពីប្រទេសជិតខាងរបស់ខ្លួន។

      ថវិកាជាតិនេះ រួមមាន ថវិកា ៦.៨២ លានលានយ៉េន ត្រូវបានបែងចែកទៅលើវិស័យការពារជាតិដើម្បីផ្គត់ផ្គង់ដល់ការការពារពីការគំរាមកំហែងដែលបង្កឡើងដោយ ប្រទេសចិន, កូរ៉េខាងជើង និង​​​​​​​​​រុស្ស៊ី ហើយថវិកា ៣៦.៨៩ លានលានយ៉េនទៀត សម្រាប់ចំណាយលើសន្តិសុខសង្គម ដែលជាការចំណាយ ដ៏ធំមិនធ្លាប់មាន ចំពេលប្រទេស ជប៉ុនមានកំណើនប្រជាជនឆាប់រហ័ស។

បន្ទាប់ពីសភាជាន់ទាបអនុម័តយល់ព្រម។ សភាជាន់ខ្ពស់ នឹងចាប់ផ្តើមពិនិត្យពិភាក្សាលើសេចក្តីព្រាងច្បាប់នេះ ប៉ុន្តែ ការអនុម័តយល់ព្រមរបស់សភាជាន់ខ្ពស់នេះ មិនមែនជាការដាក់សម្ពាធណាមួយឡើយ។ ថវិកាជាតិនេះ នឹងចូលជាធរមានដោយស្វ័យប្រវត្តិ បន្ទាប់ពីសេចក្តីព្រាងច្បាប់ថវិកាជាតិនេះ បានបញ្ជូនទៅសភាជាន់ខ្ពស់ រយៈពេល ៣០ ថ្ងៃ។

ឆ្នាំសារពើពន្ធ២០២៣ នេះ គឺជាឆ្នាំទី១ នៃផែនការបង្កើនថវិកាលើវិស័យការពារជាតិរយៈពេល៥ ឆ្នាំ ដែលត្រូវបានអនុម័តយល់ព្រម កាលពីចុងឆ្នាំ២០២២ ដោយ​រាជរដ្ឋាភិបាលរបស់លោក Fumio Kishida នាយករដ្ឋមន្ត្រីជប៉ុន ដែលបានគ្រោងចំណាយថវិកាជាតិ ៤៣ លានលានយ៉េន ស្មើនឹងជាង ៥០% កើនពីផែនការថវិកាជាតិ​រយៈពេល ៥ ឆ្នាំ នាពេលបច្ចុប្បន្ននេះ៕

http://ព័ត៌មានសភាទ្វីបអាស៊ី ០១-០៣-២៣-កែវ ធាវី ប្រែសម្រួលពី៖ https://nordot.app/1003194691552509952?c=445918389795193953