លោក Vo Van Thuong សមាជិកការិយាល័យនយោបាយមជ្ឈិមបក្ស

រដ្ឋធានីហាណូយ៖ រដ្ឋសភានៃសាធារណរដ្ឋសង្គមនិយមវៀតណាម នឹងបើកកិច្ចប្រជុំវិសាមញ្ញមួយនៅសប្តាហ៍នេះ។ កិច្ចប្រជុំនេះ ត្រូវបានមន្ត្រី និងអ្នកការទូតនានារំពឹងថា នឹងបញ្ជាក់អំពីការជ្រើសតាំងប្រធានាធិបតីវៀតណាមថ្មី ចំពេលមានការរុះរើថ្នាក់ដឹកនាំ ដែលត្រូវបានធ្វើឡើងដើម្បីបោសសំអាតអំពើពុករលួយ។ មន្ត្រី និងអ្នកការទូត​ជាច្រើន​រូប បានថ្លែងថា ប្រធានាធិបតីរូបនេះ ជាតួនាទីក្នុងពិធីផ្លូវការយ៉ាងសំខាន់ ដែលស័ក្តិសមនឹង លោក Vo Van Thuong  អាយុ ៥២ ឆ្នាំ ជាសមាជិកការិយាល័យ នយោបាយមជ្ឈិមបក្សក្មេងជាងគេនាពេលបច្ចុប្បន្ននេះ ដែលជាស្ថានប័នកំពូលរបស់ជាតិ។

ការតែងតាំងរបស់លោក Thuong នេះ ធ្វើឡើងចំពេលយុទ្ធនាការបោសសំអាតអំពើពុករលួយ​ខណៈដែលមន្ត្រីរាប់រយនាក់កំពុងស្ថិតក្រោមការស៊ើបអង្កេត និងឥស្សរ​ជន​​​​​​នយោបាយកំពូលៗជាច្រើនរូបទៀតត្រូវបានបញ្ចប់មុខតំណែង រួមទាំង ឧបនាយករដ្ឋមន្ត្រី ២ រូប ផងដែរ។

លោក Thuong ត្រូវបានគេមើលឃើញថា ជាការបិទផ្លូវឥស្សរជនដ៏មានអំណាចភាគច្រើនរបស់​វៀតណាម។ លោក Nguyen Phu Trong អគ្គលេខាធិការបក្ស គឺជា​ស្ថាបនិកដ៏សំខាន់នៃយុទ្ធនាការប្រឆាំងអំពើពុករលួយនេះ។ ប្រធានាធិបតីវៀតណាមរូបនេះ ស្ថិតក្នុងចំណោមឥស្សរជននយោបាយកំពូលៗ ៤ រូប ក្នុងប្រទេស រួមជាមួយ​អគ្គលេខាបក្ស នាយករដ្ឋមន្ត្រី និងប្រធានរដ្ឋសភា។

រដ្ឋសភា នឹងបើកកិច្ចប្រជុំវិសាមញ្ញមួយនៅសប្តាហ៍នេះ នេះបើយោងតាមព័ត៌មាន ដែលត្រូវបានបង្ហោះនៅលើគេហទំព័ររដ្ឋបាលមូលដ្ឋានខេត្ត Khanh Hoa និង Binh Phuoc ភាគខាងត្បូងប្រទេស​វៀតណាម។ កិច្ចប្រជុំវិសាមញ្ញនេះ នឹងចាប់ផ្តើមនៅថ្ងៃពុធ ទី០១ ខែមីនា ឆ្នាំ២០២៣ ខាងមុខ៕

http://ព័ត៌មានសភាទ្វីបអាស៊ី ២៨-០២-២៣-កែវ ធាវី ប្រែសម្រួលពី៖ https://www.todayonline.com/world/vietnam-parliament-appoint-new-president-week-sources-2117696