សមាជិកសភាអាស៊ីអាគ្នេយ៍ទទូចឱ្យរដ្ឋាភិបាលម៉ាឡេស៊ីនិរាករណ៍ច្បាប់បង្ក្រាបមួយចំនួន

ដែលចែងពីបទល្មើសព្រហ្មទណ្ឌចំពោះអ្នករិះគន់រដ្ឋាភិបាល

ធានីកូឡាឡាំពួ៖ សមាជិកសភាមកពីតំបន់អាស៊ីអាគ្នេយ៍ កំពុងតែទទូចឱ្យរាជរដ្ឋាភិបាល ​នៃសហព័ន្ធម៉ាឡេស៊ីថ្មីនិរាករណ៍ច្បាប់មួយចំនួន ដែលពួកគេតែងតែបង្ក្រាប​ជា​រឿយៗលើក្រុមអ្នក​រិះគន់ រួមទាំង សមាជិកសភា និងក្រុមអង្គការសិទ្ធិនុស្ស ផងដែរ។

សមាជិកសភាទាំងនោះ កំពុងតែអំពាវនាវឱ្យរដ្ឋាភិបាលម៉ាឡេស៊ី បង្ហាញនូវការប្តេជ្ញាចិត្តរបស់ខ្លួនចំពោះការគោរពសិទ្ធិមនុស្ស ដោយការនិរាករណ៍ច្បាប់ស្តីពី ការបង្ក​ចលាចលឆ្នាំ១៩៤៨ និងច្បាប់ស្តីពី ទូរគមនាគមន៍ និងប្រព័ន្ធផ្សព្វផ្សាយព័ត៌មានទូទៅឆ្នាំ១៩៨៨។

ច្បាប់ស្តីពី ការបង្កចលាចល ដែលត្រូវបានអនុវត្តន៍ទោសជាប់ពន្ធនាគាររហូតដល់ ៧ ឆ្នាំ ចំពោះបទល្មើសប្រើពាក្យគ្រោតគ្រាត ដែលត្រូវបានអនុវត្តន៍ដោយអតីត​រដ្ឋាភិបាលនៃគណបក្ស National Barisan ដើម្បីចាប់ខ្លួនអ្នករិះគន់នានា រួមទាំង ក្រុមអ្នកការពារសិទ្ធិមនុស្ស, អ្នកសារព័ត៌មាន អ្នកសិក្សាស្រាវជ្រាវ និងអ្នកច្បាប់នានា ផងដែរ។

ជាឧទាហរណ៍ កាលពីឆ្នាំ២០១៦ លោក Tian Chua សមាជិកសភាតំណាង មកពីគណបក្សយុត្តិធម៌ប្រជាជន និងសមាជិកសភាអាស៊ាន​ទទួលបន្ទុកសិទ្ធិមនុស្សជាច្រើនរូប (APHR) ត្រូវបានកាត់ទោសឱ្យជាប់ពន្ធនាគាររយៈពេល ៣ ខែ និងពិន័យជាប្រាក់ជាង ៤០០​ ដុល្លារសហរដ្ឋអាមេរិក បន្ទាប់ពីការថ្លែងប្រឆាំងនឹងជាតិសាសន៍និយម និងអំពើ​ពុករលួយ។ សមាជិកសភាទាំងនោះ បានសម្តែងនូវការព្រួយបារម្ភអំពីច្បាប់ស្តីពី ទូរគមនាគមន៍ និងប្រព័ន្ធផ្សព្វផ្សាយព័ត៌មានទូទៅ ដែលកំណត់អំពីទោស​ព្រហ្មទណ្ឌតាម​ប្រព័ន្ធប្រព័ន្ធអនឡាញថា ជារឿងអាសអាភាស, មិនត្រឹមត្រូវ, ភូតកុហក, ការគំរាមកំហែង ឬការវាយប្រហារដោយប្រើពាក្យគ្រោតគ្រាត ធ្វើឱ្យខ្លួនមានការឈឺចាប់ចំពោះ​ការប្រើប្រាស់ពាក្យមិនសមរម្យទាំងនេះ៕

http://ព័ត៌មានសភាទ្វីបអាស៊ី ២៧-០២-២៣-កែវ ធាវី ប្រែសម្រួលពី៖ https://www.theonlinecitizen.com/2023/02/26/southeast-asian-lawmakers-urge-malaysia-to-repeal-repressive-laws-