កាលពីឆ្នាំមុន គឺនៅថ្ងៃទី២៤ ខែកុម្ភៈ ឆ្នាំ២០២២ សហព័ន្ធរុស្ស៊ីបានចាប់ផ្តើមជាថ្មីទៀត នូវសង្រ្គាមដោយឥតហេតុផល អយុត្តិធម៌ និងព្រៃផ្សៃលើប្រទេសអ៊ុយក្រែន។ សង្រ្គាមនេះ បង្ហាញអំពីចេតនាមិនគោរពគោលការណ៍មូលដ្ឋាននៃច្បាប់អន្តរជាតិ និងជាការគំរាមកំហែងចំពោះសណ្តាប់ធ្នាប់អន្តរជាតិដែលយកច្បាប់ជាគោល(The rules-based international order) ។

យើង ក្នុងស្មារតីសាមគ្គីភាពនិងឆន្ទមោះមុត សូមថ្កោលទោសយ៉ាងខ្លាំងក្លាបំផុត ចំពោះទង្វើឈ្លាន ពាននិងទង្វើឧក្រិដ្ឋរបស់ប្រទេសរុស្ស៊ី ហើយក្នុងពេលដំណាលគ្នានេះ សូមបង្ហាញនូវការគាំទ្រឥតងាករេចំពោះប្រទេសអ៊ុយក្រែនទាំងជាពាក្យសម្តី និងសកម្មភាព។ សង្គ្រាមឈ្លានពានរបស់រុស្ស៊ីមកលើប្រទេសអ៊ុយក្រែន គឺជាសង្គ្រាមមួយ ដែលប្រឆាំងផ្ទាល់លើលទ្ធិប្រជាធិបតេយ្យ និងសេរីភាពនៃប្រទេសនានា​ ទៅតាមអំពើចិត្តនៃប្រព័ន្ធរដ្ឋាភិបាល និងគោលនយោបាយការបរទេសរបស់ប្រទេសមួយ។

ការប្តេជ្ញាចិត្តរបស់យើងក្នុងការគាំទ្រប្រទេសអ៊ុយក្រែន នឹងមិនថមថយឡើយ។ សន្និបាតសភាអង្គ ការណាតូ (NATO PA)នឹងបន្តកៀរគរការគាំទ្រពីសភា​ជាសមាជិក​និងប្រជាពលរដ្ឋរបស់យើង ដើម្បីបង្កើននិងពន្លឿនការផ្តល់ជំនួយយោធា ជំនួយហិរញ្ញវត្ថុ ជំនួយមនុស្សធម៌ ជំនួយបណ្តុះបណ្តាល និងជំនួយផ្នែក ចែករំលែកការណ៍​សម្ងាត់​ដល់ប្រទេសអ៊ុយក្រែន។​ តាមរយៈមូលនិធិពិសេសរបស់សន្និបាតសភាអង្គការណាតូ សម្រាប់ប្រទេសអ៊ុយក្រែន យើងក៏នឹងប្រើប្រាស់មូលនិធិនេះផងដែរ ដើម្បីជួយដល់​សភាអ៊ុយក្រែនក្នុងការពង្រឹងលទ្ធិប្រជាធិបតេយ្យអ៊ុយក្រែន ទាំងក្នុងពេលបច្ចុប្បន្ន និងអនាគត។

គ្មានថ្ងៃឡើយ ដែលយើងនឹងទទួលស្គាល់ដែនដីឧបសម្ព័ន្ធរបស់រុស្ស៊ី ដែលបានមកដោយខុសច្បាប់ និងការប្រើប្រាស់កម្លាំងបង្ខំយកពីប្រទេសដទៃ។ ប្រទេសរុស្ស៊ីត្រូវ​តែទទួលខុសត្រូវចំពោះឧក្រិដ្ឋកម្មឈ្លាន ពាន ឧក្រិដ្ឋកម្មសង្រ្គាម ឧក្រិដ្ឋកម្មប្រឆាំងមនុស្សជាតិ និងសកម្មភាពជាសក្តានុពលនៃអំពើប្រល័យពូជសាសន៍។ សន្និបាតសភា​អង្គការណាតូ នឹងបន្តគាំទ្រការបង្កើតសាលាក្តីអន្តរជាតិពិសេសដើម្បីកាត់ទោសឧក្រិដ្ឋកម្មឈ្លានពានរបស់រុស្ស៊ី។

យើងសូមសម្តែងការគោរព និងកោតសរសើរចំពោះការខិតខំប្រឹងប្រែងតស៊ូទប់ទល់ និងភាពធន់របស់ប្រជាជនអ៊យក្រែន ដែលមិនត្រឹមតែជាកាយវិការនៃការ​ការពារទឹកដី​កំណើតរបស់ពួកគេទេ ប៉ុន្តែក៏ជាការការពារនូវតម្លៃរួមនៃលទ្ធិប្រជាធិបតេយ្យរបស់យើងផងដែរ…៕

http://យើងសូមសម្តែងការគោរព និងកោតសរសើរចំពោះការខិតខំប្រឹងប្រែងតស៊ូទប់ទល់ និងភាពធន់របស់ប្រជាជនអ៊យក្រែន ដែលមិនត្រឹមតែជាកាយវិការនៃការការពារទឹកដីកំណើតរបស់ពួកគេទេ ប៉ុន្តែក៏ជាការការពារនូវតម្លៃរួមនៃលទ្ធិប្រជាធិបតេយ្យរបស់យើងផងដែរ…៕