លោក Ruslan Stefanchuk ប្រធានសភាប្រទេសអ៊ុយក្រែន

លោក Ruslan Stefanchuk ប្រធានសភាប្រទេសអ៊ុយក្រែនបានថ្លែងថា រដ្ឋាភិបាលទីក្រុងកៀវរំពឹង ថានឹងទទួលបានការអញ្ជើញឱ្យចូលជាសមាជិកអង្គការណាតូ នៅក្នុងរដូវ​ក្តៅខាងមុខនេះ នៅឯកិច្ចប្រជុំ កំពូលរបស់ទ័ពសម្ព័ន្ធមិត្ត នៅក្នុងសាធារណរដ្ឋលីទុយអានី។ កិច្ចប្រជុំរបស់ប្រមុខរដ្ឋ និងប្រមុខរដ្ឋាភិបាល នៃបណ្តាប្រទេស​ជាសមាជិកអង្គការ​ណាតូនឹងធ្វើឡើងនៅក្នុងរដ្ឋធានីវីលីញូស ប្រទេសលីទុយអានី ចាប់ ពីថ្ងៃទី១១ ដល់ថ្ងៃទី១២ ខែកក្កដា ឆ្នាំ២០២៣។

លោក Stefanchuk បានថ្លែងក្នុងអំឡុងពេលអង្គាសថវិកាជំនួយតាមទូរទស្សន៍ថា “យើងរំពឹងថា  នៅ​ឯកិច្ចប្រជុំកំពូលនៅក្នុងរដ្ឋធានីវីលីញូស ប្រទេសអ៊ុយក្រែននឹងទទួល​បានការអញ្ជើញបែបនោះ (ការចូល ជាសមាជិកទ័ពសម្ព័ន្ធមិត្តអង្គការណាតូ)”។ លោក Volodymyr Zelenskyy ប្រធានាធិបតីប្រទេស​អ៊ុយ ក្រែនបានថ្លែងកាលពីចុងខែកញ្ញា ឆ្នាំ២០២២ថា អ៊ុយក្រែនកំពុងរកមធ្យោបាយចូលសមាជិកអង្គការ ណាតូឱ្យបានលឿនបំផុត…៕

https://www.urdupoint.com/en/world/ukraine-expects-invitation-to-join-nato-in-ju-1645345.html