លោក Benjamin Netanyahu នាយករដ្ឋមន្រ្តីនៃរដ្ឋអ៊ីស្រាអែល

លោក Benjamin Netanyahu នាយករដ្ឋមន្រ្តីនៃរដ្ឋអ៊ីស្រាអែលបានថ្លែងថា ​សភាអ៊ីស្រាអែលបាន អនុម័តនូវសេចក្តីព្រាងច្បាប់មួយដែលនឹងអនុញ្ញាតឱ្យអាជ្ញាធរដក​សញ្ជាតិអ៊ីស្រាអែលពីភេរវករ និង បណ្តេញចេញពីប្រទេស។ លោក Netanyahu បានបង្ហោះសារក្នុងបណ្តាញសង្គម Twitter របស់លោកថា “នៅក្នុងសភា យើងបាន​អនុម័ត​​​​សេចក្តីព្រាងច្បាប់មួយរបស់លោក Ofir Katz ប្រធានក្រុមចម្រុះ​ ស្តីពីការ ដកសញ្ជាតិពីភេរវករ និងបណ្តេញចេញពីប្រទេស។ ការឆ្លើយតបរបស់យើងចំពោះ​អំពើភេរវនិយម គឺធ្វើ ឡើងតាមរយៈ​ការប្រើប្រាស់កម្លាំង”។

សេចក្តីព្រាងច្បាប់នេះនឹងអនុញ្ញាតឱ្យក្រសួងមហាផ្ទៃអ៊ីស្រាអែលដកហូតសញ្ជាតិពីភេវករ រូបណា ដែលទទួលហិរញ្ញវត្ថុពីអាជ្ញាធរប៉ាឡេស្ទីន និងបណ្តេញពួកគេ​ទៅកាន់​ទឹកដី​ប៉ាឡេស្ទីន។ ច្បាប់នេះមួយ ត្រូវបានអនុម័តនៅចំពេលមានការកើនឡើងភាពតានតឹងរវាងអ៊ីស្រាអែល និងប៉ាឡេស្ទីន និងការកើន ឡើងចំនួននៃការវាយ​ប្រហារបែប​ភេរវករនាពេលថ្មីៗនេះ ដែលធ្វើឡើងនៅក្នុងប្រទេសអ៊ីស្រាអែល ដោយ ពលរដ្ឋប៉ាឡេស្ទីនដែលមានដើមកំណើតអារ៉ាប់…៕

https://www.urdupoint.com/en/world/israeli-parliament-approves-law-stripping-ter-1643679.html