លោក Nguyen Duc Hai  អនុប្រធានរដ្ឋសភាវៀតណាម (រូបស្តាំ) និងលោកស្រី Katherine Tai ​តំណាងពាណិជ្ជកម្មសហរដ្ឋអាមេរិក (Photo: VNA)

រដ្ឋធានីហាណូយ៖ លោក Nguyen Duc Hai អនុប្រធានរដ្ឋសភា នៃសាធារណរដ្ឋសង្គមនិយមវៀតណាម បានអះអាងថា វៀតណាមតែងតែចាត់ទុកសហរដ្ឋអាមេរិក​ជាដៃគូ​មួយក្នុងចំណោមដៃគូ                 សំខាន់ៗជាច្រើន។ ក្នុងអំឡុងពេលទទួលបដិសណ្ឋារកិច្ចក្នុងរដ្ឋធានីហាណូយ កាលពីថ្ងៃទី១៥ ខែកុម្ភៈ​ ឆ្នាំ២០២៣ លោកស្រី Katherine Tai តំណាងពាណិជ្ជកម្មសហរដ្ឋអាមេរិកប្រចាំរដ្ឋធានីហាណូយ បានសាទរការគាំទ្ររបស់សហរដ្ឋអាមេរិកចំពោះភាពរឹងមាំ ឯករាជ្យភាព និងភាពរីកចម្រើនរបស់វៀតណាម។

លោក Hai បានថ្លែងទៀតថា វៀតណាមចង់លើកកម្ពស់ភាពជាដៃគូគ្រប់ជ្រុងជ្រោយជាមួយសហរដ្ឋអាមេរិកក្នុងស្ថានភាពជាក់ស្តែង និងស្ថិតស្ថេរ ដោយឈរលើ​គោលការណ៍​​​គោរពឯករាជ្យ អធិបតេយ្យ បូរណភាពទឹកដី និងរបបនយោបាយរបស់គ្នាទៅវិញទៅមក ឆ្ពោះទៅលើកម្ពស់ទំនាក់ទំនងទ្វេភាគីឱ្យ កាន់តែមានភាពរឹងមាំ​ថែម​ទៀត។

លោក Hai បានបន្ថែមទៀតថា វៀតណាមក៏ស្វាគមន៍ផងដែរ នូវការពង្រឹងកិច្ចសហប្រតិបត្តិការគ្រប់ជ្រុងជ្រោយ និងប្រកបដោយការទទួលខុសត្រូវ ជាមួយតំបន់​មហា​សមុទ្រអាស៊ី-ប៉ាស៊ីហ្វិច និងតំបន់មហាសមុទ្រឥណ្ឌា។ វៀតណាមនៅតែត្រៀមខ្លួនធ្វើជាដៃគូជាមួយសហរដ្ឋអាមេរិកជានិច្ច នៅក្នុងបញ្ហាកង្វល់រួមក្នុងតំបន់ និងសកលលោក ដើម្បីរួមចំណែកដល់សន្តិភាព ស្ថិរភាព កិច្ចសហប្រតិបត្តិការ និងគោរពច្បាប់អន្តរជាតិក្នុងតំបន់ រួមទាំង ការថែរក្សាសេរីភាព សុវត្ថិភាព និងសន្តិសុខការធ្វើនាវាចរណ៍ និង​អាកាសចរណ៍ និងការហោះហើរលើតំបន់អាស៊ីខាងកើត​ ស្របតាមមហាសន្និបាតអង្គការសហប្រជាតិឆ្នាំ១៩៨២ ស្តីពីច្បាប់សមុទ្រ (UNCLOS)។

លោក Hai បានគូសបញ្ជាក់ថា វៀតណាមតែងតែវាយតម្លៃខ្ពស់ចំពោះភាពជាដៃគូគ្រប់ជ្រុងជ្រោយ ជាមួយសហរដ្ឋអាមេរិក រួមនឹងកិច្ចសហប្រតិបត្តិការលើវិស័យ​ហិរញ្ញវត្ថុ វិនិយោគ ពាណិជ្ជកម្ម និងសេដ្ឋកិច្ចដែលជាការយកចិត្តទុកដាក់ និងជាកម្លាំងជំរុញមួយយ៉ាងសំខាន់៕

http://ព័ត៌មានសភាទ្វីបអាស៊ី ១៧-០២-២៣-កែវ ធាវី ប្រែសម្រួលពី៖ https://en.vietnamplus.vn/na-vice-chairman-vietnam-considers-us-among-top-important-partners/248414.vnp