លោកស្រី Grace O’Sullivan សមាជិកសភាអឺរ៉ុបមកពីគណបក្សបៃតងប្រទេសអៀឡង់ ថ្លែងក្នុងសម័យប្រជុំសភាអឺរ៉ុប

កាលពីថ្ងៃអង្គារ ទី១៤ ខែកុម្ភៈ ឆ្នាំ២០២៣ សភាអឺរ៉ុបបានបោះឆ្នោតឱ្យបញ្ឈប់បន្តិចម្តងៗការលក់ រថយន្តថ្មីប្រើប្រេងសាំង និងប្រេងម៉ាស៊ូត ត្រឹមឆ្នាំ២០៣៥។ ការហាម​ឃាត់លើការលក់យានយន្តមាន ម៉ាស៊ីនប្រើចំហេះ ត្រូវបានធ្វើឡើងជាការសម្រេចចិត្តលើកិច្ចព្រមព្រៀងបៃតងរបស់អឺរ៉ុបដ៏សំខាន់មួយ​។ ការបោះឆ្នោតខាងលើ ក៏រួមបញ្ចូល​ផងដែរនូវការប្តេជ្ញាចិត្តមួយក្នុងការកាត់បន្ថយការបំភាយឧស្ម័នចេញពី រថយន្តឱ្យបាន ៥៥%  ក្នុងរវាងចាប់ពីពេលនេះ រហូតដល់ឆ្នាំ២០៣០។

លោកស្រី Grace O’Sullivan សមាជិកសភាអឺរ៉ុបគណបក្សបៃតងមកពីប្រទេសអៀរឡង់បានថ្លែង នៅក្នុងកិច្ចពិភាក្សាដេញដោលក្នុងសភាអឺរ៉ុបក្នុងទីក្រុង Strasbourg ប្រទេសបារាំងថា “ថ្ងៃនេះយើងបាន ចាប់ផ្តើមនូវទស្សនវិស័យថ្មីមួយសម្រាប់ក្រុង និងតំបន់ជនបទរបស់យើង។ អឺរ៉ុបមួយដែលបង្កើតឡើង សម្រាប់ប្រជាជន មិនមែន​សម្រាប់ចរាចរណ៍”។ ការបំភាយឧស្ម័នសរុបប្រមាណ១៨% នៃប្រទេសអៀរឡង់ កើតចេញពីការដឹកជញ្ជូនតាមដងផ្លូវ ដូច្នឹងនេះគឺជាផ្នែកមួយដ៏សំខាន់ដើម្បីគាំទ្រដល់ការ​ផ្លាស់ប្តូរទៅកាន់ អនាគតមួយដែលមានស្ថិរភាពជាងមុន។ សមាជិកសភាអឺរ៉ុបគណបក្ស Fine Gael មកពីប្រទេសអៀរឡង់ ក៏បានបោះឆ្នោតគាំទ្រឱ្យរថយន្ត និងរថយន្តដឹក​ទំនិញតូចៗទាំងអស់ប្រើប្រាស់អគ្គិសនី ទាំងស្រុងត្រឹម ឆ្នាំ២០៣៥…៕

https://www.offalyindependent.ie/2023/02/14/european-parliament-votes-to-end-sales-of-new-petrol-and-diesel-cars-by-2035/