រដ្ឋសភាវៀតណាម គ្រោងធ្វើជាម្ចាស់ផ្ទះវេទិកាសមាជិកសភាវ័យក្មេងនៃសហភាពអន្តរសភា (IPU) នាខែកញ្ញា ឆ្នាំ២០២៣

រដ្ឋធានីហាណូយ៖ រដ្ឋសភានៃសាធារណរដ្ឋសង្គមនិយមវៀតណាម គ្រោងធ្វើជាម្ចាស់ផ្ទះវេទិកាសមាជិកសភាវ័យក្មេងនៃសហភាពអន្តរសភា (IPU) ក្នុងរដ្ឋធានីហាណូយ​នាសប្តាហ៍ខាងមុខនេះ។    លោក Vũ Hải Hà ប្រធានគណៈកម្មាធិការអន្តរជាតិនៃរដ្ឋសភា បានថ្លែងថា លេខាធិការដ្ឋានសហភាពអន្តរសភា បានវាយតម្លៃខ្ពស់ចំពោះការ​ធ្វើ​ជាម្ចាស់ផ្ទះនៃវេទិកានេះ របស់រដ្ឋសភាវៀតណាម។

ភ្នាក់ងាររដ្ឋវៀតណាមនានា ក៏បានបង្ហាញការយល់ឃើញថា ព្រឹត្តិការណ៍នេះមានសារៈសំខាន់ក្នុងការអនុវត្តសេចក្តីណែនាំស្តីពី ការជំរុញ និងលើកកម្ពស់ទំនាក់ទំនង​ការទូតពហុភាគី ដែលត្រូវបានដាក់ចេញដោយលេខាគណៈកម្មាធិការមជ្ឈិមបក្ស។

ខណៈពេលធ្វើជាអធិបតីក្នុងកិច្ចប្រជុំការងារ រវាងគណៈកម្មាធិការនេះ និងភ្នាក់ងារពាក់ព័ន្ធនានាដើម្បីពិភាក្សាអំពីការរៀបចំព្រឹត្តិការណ៍នេះ លោក Vương Đình Huệ ប្រធានរដ្ឋសភាវៀតណាមបានកត់សម្គាល់ថា វេទិកានេះ គឺជាព្រឹត្តិការដ៏មានសារៈសំខាន់មួយនៃទំនាក់ទំនងការទូតពហុភាគីនៃរដ្ឋសភា​វៀតណាម ក្នុងឆ្នាំ២០២៣ នេះ។

បន្ទាប់ពី ការរៀបចំសន្និបាតសហភាពអន្តរសភាលើកទី១៣២ និងសន្និបាតអន្តរសភាអាស៊ាន (AIPA) លើកទី៤១ មក វេទិកានៅពេលខាងមុខនេះ គឺជាឱកាសសម្រាប់​វៀតណាមលើកកម្ពស់កេរ្តិ៍​ឈ្មោះរបស់ខ្លួន ក្នុងចំណោមមិត្តភក្តិអន្តរជាតិនានា។ លោកបានបន្តស្នើឱ្យគណៈកម្មាធិការនេះ ត្រៀមរៀបចំឱ្យបានល្អបំផុតសម្រាប់​តួនាទីរបស់​ខ្លួនដែលមានរយៈពេល ៣ ថ្ងៃ។

វេទិកានេះ មានគោលបំណងជំរុញតួនាទីសមាជិកសភាវ័យក្មេង និងការចូលរួមរបស់យុវជនក្នុងសកម្មភាពនានារបស់សភា, ការលើកមតិយោបល់ផ្អែកលើទស្សន​វិស័យរបស់យុវជនអំពីសកម្មភាព និង របៀបវារៈរបស់សហភាពអន្តរសភា, ការកសាងសមត្ថភាព និងការពង្រីកផ្លូវរបស់យុវជនចំពោះ បញ្ហាកង្វល់រួម៕

http://ព័ត៌មានសភាទ្វីបអាស៊ី ១៣-០២-២៣-កែវ ធាវី ប្រែសម្រួលពី៖ https://www.einnews.com/pr_news/616492265/vi-t-nam-to-host-ipu-forum-of-young-