“ទឹកសម្រាប់ប្រជាជន និងផែនដី៖ បញ្ឈប់ការខ្ជះខ្ជាយ, ផ្លាស់ប្តូរល្បែង, វិនិយោគសម្រាប់អនាគត” គឺជាប្រធានបទនៃសវនាការសភាឆ្នាំ២០២៣ ដែលរួមគ្នាផ្តួចផ្តើមដោយ​ប្រធានមហាសន្និបាតអង្គការសហ-ប្រជាជាតិ (UNGA) និងសហភាពអន្តរសភា(IPU)។ សន្និបាតនេះ នឹងប្រព្រឹត្តិនៅថ្ងៃទី១៣-១៤ ខែកុម្ភៈ ឆ្នាំ២០២៣ នៅទីស្នាក់ការ​កណ្តាល​របស់អង្គការសហប្រជាជាតិ ក្នុងទឹកដីសហរដ្ឋអាមេរិក ជាមួយនឹងការរំ- ពឹងទុកថា នឹងមានការចូលរួមពីសមាជិកសភា ប្រធានសភា ទីប្រឹក្សា និងមន្រ្តីពាក់ព័ន្ធជាង​២៥០នាក់ មកពីជាង៦០ប្រទេស។

សវនាការនេះនឹងប្រព្រឹត្តិទៅតែប៉ុន្មានសប្តាហ៍ប៉ុណ្ណោះ ក្រោយមហាសន្និបាតអង្គការសហប្រជាជាតិ បានអនុម័តសេចក្តីសម្រេចមួយ ដែលគូសបញ្ជាក់អំពីតួនាទីដ៏​សំខាន់​របស់សភា ក្នុងការអនុវត្តរបៀបវារៈឆ្នាំ២០៣០នៃការអភិវឌ្ឍប្រកបដោយចីរភាព ដែលជាផែនការលម្អិត (Blueprint) ដែលពិភពលោកបានឯក ភាពគ្នាដើម្បីកសាងនូវ​អនាគតមួយ ដែលប្រសើរជាងមុន និងមានចីរភាពជាងមុនសម្រាប់ទាំងអស់គ្នា។ សេចក្តីសម្រេចលេខ77/159ខាងលើ របស់មហាសន្និបាតអង្គការសហប្រជាជាតិ ទទួល​ស្គាល់​អំពីតួនាទីដ៏សំខាន់របស់សភាជាតិនៃបណ្តាប្រទេសទាំងអស់ ក្នុងការធ្វើឱ្យផែនការអភិវឌ្ឍន៍ប្រកបដោយចីរភាព មានភាពរស់រវើក តាមរយៈអំណាចរបស់ខ្លួន (របស់សភា) ក្នុងការធ្វើច្បាប់ អនុម័តថវិកា និងត្រួតពិនិត្យសកម្មភាពរដ្ឋាភិបាល។

លោកCsaba Korosi ប្រធានសម័យប្រជុំលើកទី៧៧ របស់មហាសន្និបាតអង្គការសហប្រជាជាតិ បាន ថ្លែងថា៖ ”មូលបទសវនាការឆ្នាំនេះ មានសារៈសំខាន់ខ្លាំង។ យើងកំពុង​រស់នៅក្នុងពេលវេលាមួយដែលមាន វិបត្តិច្រើននិងប្រទាក់ក្រឡាគ្នា។ ប៉ុន្តែវិបត្តិធំជាងគេបំផុត ដែលយើងកំពុងពើបប្រទះគឺ វិបត្តិទឹក។ ស្ទើរតែទាំងអស់នៃបម្រែបម្រួល​អាកាសធាតុ បានប៉ះពាល់ដល់ទឹក។ តំបន់ខ្លះមានទឹកច្រើនពេក តំបន់ខ្លះខ្វះទឹក ចំណែកតំបន់ខ្លះទៀត ទឹកមិនអាចបរិភោគបាន។ គោលនយោបាយដែលយើងកំពុង​អនុវត្ត​បច្ចុប្បន្ន មិនត្រឹមតែផ្តល់អត្ថប្រយោជន៍សម្រាប់យើងប៉ុណ្ណោះទេ ប៉ុន្តែ វានឹងកំណត់ផងដែរ នូវអនាគតកូនយើង និងចៅយើង។ យើងមានក្នុងដៃរួចហើយ នូវរបៀបលេង​ល្បែងថ្មី អ្វីដែលយើងត្រូវការបន្តទៀតនោះ គឺការគាំទ្រ ការគាំទ្រដើម្បីសម្រេចគោលដៅរបស់យើង ជាគោលដៅនៃការផ្លាស់ការរស់នៅរបស់មនុស្សជាតិ…៕

http://ព័ត៌មានពីអង្គការសភា ១២-០២-២៣- តូនី ប្រែសម្រួលពី៖httpshttps://www.ipu.org/news/press-releases/2023-02/ipu-and-unga-focus-water-in-annual-