លោក Zvonimir  Stević សមាជិកសភាស៊ែបប៊ី ត្រូវគេថតបានកំពុងមើលរឿងអាសអាភាសក្នុងពេលប្រជុំសភា

លោក Zvonimir Stević សមាជិកសភា១រូប នៃសាធារណរដ្ឋស៊ែបប៊ី មកពីគណបក្សជនសង្គម និយម បានលាលែងពីតំណែង បន្ទាប់ពីត្រូវបានរកឃើញថា បានមើលរឿងអាសអាភាសនៅក្នុងសភា។ លោក Stević ត្រូវគេថតបានកំពុងមើលមាតិកាស្រើបស្រាលយ៉ាងអាសគ្រាម នៅលើទូរស័ព្ទរបស់លោក ក្នុងពេលដែលលោក Aleksandar Vučić ប្រធានាធិបតីស៊ែប៊ី ឡើងថ្លែងក្នុងកិច្ចពិភាក្សាដេញដោលមួយ។ ឧប្បត្តិហេតុខាងលើបានកើតមានឡើងក្នុងពេលដែលសមាជិកសភា កំពុងតែជួបជុំគ្នា​ពិភាក្សាពីចំណង ទាក់ទងរបស់ស៊ែប៊ីជាមួយសាធារណរដ្ឋកូសូវ៉ូ និងតាមដានពីការចូលជាសមាជិកភាពក្នុងសហភាពអឺរ៉ុប។

ឃ្លីបវីដេអូបង្ហាញថា លោក Stević កំពុងមើលវីដេអូអាសអាភាសជាង ១នាទី ត្រូវបានចែកចាយតាម ប្រព័ន្ធអ៊ីនធឺណិត នៅមុនពេលដែលវាត្រូវបានរាយការណ៍បន្តតាម​ប្រព័ន្ធផ្សព្វផ្សាយ​​​​ព័ត៌មានក្នុងប្រទេស។ លោក Ivica Dačić រដ្ឋមន្រ្តីក្រសួងការបរទេសស៊ែបប៊ីបានថ្លែងថា  “នេះគឺជារឿងអាស្រូវ និងជាមហន្តរាយ មួយ។ លោក  Stević! នេះគឺជាភាពប្រាកដនិយមមួយសម្រាប់អ្នកក្នុងការលាលែងពីតំណែងអ្នកមិនអាច នៅជាសមាជិកសភាបានទេ ព្រោះអ្នកមិនអាចដោះស្រាយរឿងនេះបាន”។

លោក Dačić បានថ្លែងបន្ថែមថា រៀងរាល់ពេលដែលអ្នកលេចមុខ អ្វីដែលអ្នកនិយាយ អ្នកនឹងតែង តែជាសមាជិកសភាអាសអាភាស១រូប។ លោក Stević បានឆ្លើយតបថា “លោកគឺជាគណបក្សទាហាន លោកនឹងធ្វើនូវអ្វីដែលលោករដ្ឋមន្រ្តីបានស្នើ” នៅមុនពេលលោកស្នើសុំលាលែងពីតំណែង…៕

https://www.indy100.com/politics/mp-porn-serbia-zvonimir-stevic