ពលទាហានអ៊ុយក្រែន កំពុងស្ថិតនៅក្នុងសមរភូមិប្រយុទ្ធជាមួយកងទ័ពរុស្ស៊ី

សភានៃប្រទេសអ៊ុយក្រែនបានអនុម័តគាំទ្រសេចក្តីព្រាងច្បាប់មួយ យល់ព្រមឱ្យបន្តសុពលភាពក្រឹត្យ ប្រធានាធិបតីស្តីពីច្បាប់អាជ្ញាសឹក រយៈពេល ៩០ថ្ងៃបន្ថែមទៀត រហូតដល់ថ្ងៃទី២០ ខែឧសភា​ ឆ្នាំ២០២៣។ ការថ្លែងដូចខាងលើនេះ ធ្វើឡើងដោយលោក Yaroslav Zhelezniak សមាជិកសភាអ៊ុយក្រែននៅលើ បណ្តាញទំនាក់ទំនង​សង្គមតេឡេក្រាម។ នេះបើតាមសេចក្តីរាយការណ៍របស់អ្នកឆ្លើយឆ្លងព័ត៌មានរបស់ ទីភ្នាក់ងារសារព័ត៌មាន Ukrinform។ លោក Zhelezniak បានថ្លែងថា សមាជិកសភា​សរុបចំនួន ៣៤៨រូប បានបោះឆ្នោតគាំទ្រលើសេចក្តីព្រាងច្បាប់មួយនេះ។

គួររំលឹកថា កាលពីថ្ងៃទី២៤ ខែកុម្ភៈ ឆ្នាំ២០២២ សហព័ន្ធរុស្ស៊ីបានចាប់ផ្តើមចូលឈ្លានពានប្រទេស អ៊ុយក្រែនពេញទំហឹង។ ច្បាប់អាជ្ញាសឹកត្រូវបានដាក់ចេញ ហើយកំណែនកងទ័ពត្រូវបានប្រកាសធ្វើឡើង នៅទូទាំងប្រទេសអ៊ុយក្រែនរហូតដល់ថ្ងៃទី២៦ ខែមីនា ឆ្នាំ២០២២។ ក្រោយមក អំឡុងពេលនៃច្បាប់ អាជ្ញាសឹក និងកំណែនកងទ័ពត្រូវបានបន្តរហូតដល់ថ្ងៃទី២៥​ ខែមេសា ២៥ ខែឧសភា ២៣ខែសីហា ២១ ខែវិច្ឆិកា ឆ្នាំ២០២២ និងថ្ងៃទី១៩ ខែកុម្ភៈ ឆ្នាំ២០២៣…៕

https://menafn.com/1105536345/Parliament-Extends-Martial-Law-In-Ukraine-Until-May-20