លោក Hassan bin Abdullah Al Ghanim ប្រធានសភារដ្ឋកាតា ប្រធានសភា និងមន្រ្តីសភាក្នុងជំនួបក្រៅឆាកនៃកិច្ចប្រជុំសម្របសម្រួលប្រឆាំងអំពើភេរវនិយម សម្រាប់កិច្ចសន្ទនានយោបាយសភា

រាជធានីដូហា៖ លោក Hassan bin Abdullah Al Ghanim ប្រធានក្រុមប្រឹក្សាស៊ូរ៉ា(សភានៃរដ្ឋកាតា) បានទទួលជួបដាច់ដោយឡែកជាមួយលោកស្រី Mabel Memory Chinomona ប្រធានព្រឹទ្ធសភា នៃសាធារណរដ្ឋស៊ីមបាវ៉េ និងជាប្រធានសហភាពសភាអាហ្វ្រិក លោក Pedro Roque ប្រធានសន្និបាតសភាសមុទ្រមេឌីទែរ៉ាណេ និងលោក Sahel Tankoano Norbert លេខាធិការប្រតិបត្តិនៃគណៈកម្មាធិការអន្តរសភានៃក្រុមប្រទេសទាំង៥ (G5) ។

ជំនួបទាំងនេះ បានកើតមានឡើងក្នុងឱកាសនៃកិច្ចប្រជុំសម្របសម្រួលប្រឆាំងអំពើភេរវនិយម សម្រាប់កិច្ចសន្ទនានយោបាយសភាស្តីពីសន្តិសុខព្រំដែន និងកិច្ចសហ​ប្រតិបត្តិ​ឆ្លងព្រំដែននៅក្នុងបរិបទ នៃការប្រឆាំងអំពើភេរវនិយម ដែលបានធ្វើឡើងនៅក្នុងរាជធានីដូហា និងរៀបចំឡើងដោយការិយាល័យ ប្រឆាំងអំពើភេរវនិយមរបស់​អង្គការសហប្រជាជាតិ(UNOCT) និងកម្ម​វិធីការតភ្ជាប់សភាក្នុងការបង្ការ និងប្រឆាំងអំពើភេរវនិយមរបស់អង្គការសហប្រជាជាតិមានមូលដ្ឋាននៅក្នុងទីក្រុងដូហា ប្រទេស​កាតា ក្រោមកិច្ចសហប្រតិបត្តិការជាមួយក្រុមប្រឹក្សាស៊ូរ៉ា(សភាកាតា)។

លោកប្រធានសភាកាតាបានពិភាក្សាជាមួយមន្រ្តីសភាទាំងអស់ខាងលើ លើកិច្ចការមួយចំនួនពាក់ ព័ន្ធនឹងការពង្រឹងតួនាទីរបស់សភាក្នុងការគាំទ្រកិច្ចប្រឹងប្រែងថ្នាក់ជាតិ និងអន្តរជាតិក្នុងការប្រឆាំងអំពើ អំពើភេរវនិយម លើសពីនេះទៀត ក៏ពិភាក្សាផងដែរពីកិច្ចសហប្រតិបត្តិការ និងចំណងទាក់ទងសភា ព្រមទាំងស្វះស្វែងរកមធ្យោបាយដើម្បី​វឌ្ឍនភាពកិច្ចការទាំងនេះ។ ភាគីជាភ្ញៀវបានកោតសរសើរកិច្ចខិតខំរបស់ សភាកាតាក្នុងការប្រឆាំងអំពើភេរវនិយម និងអំពើជ្រុលនិយម ដោយបានកត់សម្គាល់ការខ្នះខ្នែង​ឥតឈប់ឈររបស់កាតាក្នុងការពង្រឹងសន្តិភាព​ និងសន្តិសុខអន្តរជាតិ ព្រមទាំងការរួមចំណែកក្នុងការសម្រេចឱ្យ បាននូវគោលដៅអភិវឌ្ឍន៍ប្រកបដោយចីរភាព (របស់អង្គការ​សហប្រជាជាតិ)។

ភាគីជាភ្ញៀវក៏បានកត់សម្គាល់ផងដែរពីសារៈសំខាន់នៃសកម្មភាព ដែលរៀបចំឡើងដោយការិយា- ល័យ UNOCT និងកម្មវិធីការតភ្ជាប់សភាក្នុងការបង្ការ និងប្រឆាំងអំពើ​ភេរវនិយម​​របស់អង្គការសហប្រជាជាតិមានមូលដ្ឋាននៅក្នុងទីក្រុងដូហា ប្រទេសកាតា និងវាយតម្លៃខ្ពស់ចំពោះការគាំទ្ររបស់ក្រុមប្រឹក្សា ស៊ូរ៉ា ចំពោះសកម្មភាពនានារបស់​ការិយាល័យ UNOCT៕

http://ព័ត៌មានសភាតំបន់មជ្ឈិមបូព៌ា ០២-០២-២៣- ឈាវ សុផាត ប្រែសម្រួលពី៖ https://thepeninsulaqatar.com/article/01/02/2023/parliamentary-heads-discuss-cooperation-on-counter-terrorism