លោក You Si-kun ប្រធានសភាកោះតៃវ៉ាន់អញ្ជើញមកដល់សហរដ្ឋអាមេរិក

រដ្ឋធានីតៃប៉ិ៖ បន្ទាប់ពីធ្វើដំណើរតាមជើងយន្តហោះអស់រយៈពេល ១៤ ម៉ោង មក លោក You Si-kun ប្រធានសភាកោះតៃវ៉ាន់ បានអញ្ជើញមកដល់អាកាសយានដ្ឋាន​អន្តរជាតិ John F. Kennedy  ក្នុងទីក្រុងញូយ៉ក សហរដ្ឋអាមេរិក សម្រាប់ដំណើរទស្សនកិច្ចរយៈពេលខ្លី ២​ ថ្ងៃ ក្នុងអំឡុងពេលនៃទស្សនកិច្ចនោះ លោកនឹង ថ្លែងសុន្ទរកថា អំពីសេរីភាពសាសនា និងកិច្ចប្រជុំជាមួយថ្នាក់ដឹកនាំសភាសហរដ្ឋអាមេរិក។ សារព័ត៌មាន Liberty Times បានឱ្យដឹងថា របៀបវារៈដំបូងនៃកម្មវិធីរបស់ប្រធានសភា​កោះតៃវ៉ាន់រូបនេះ គឺចូលរួមកិច្ចប្រជុំ កំពូលស្តីពី សេរីភាពសាសនាអន្តរជាតិ ក្នុងរដ្ឋធានីវ៉ាស៊ីនតោន D.C ទីដែលលោករំពឹងថា នឹងថ្លែងសុន្ទរកថា នៅទីនោះ៕

https://www.taiwannews.com.tw/en/news/4796805