លោក Saqr Ghobash ប្រធានក្រុមប្រឹក្សាជាតិសហព័ន្ធ«FNC»(សភាអេមីរ៉ាតអារ៉ាប់រួម)បានទទួល ជួបលោកស្រី Joana Lima ប្រធានវេទិកាសមាជិកាសភានៃ​សន្និបាតសភាសមុទ្ទមេឌីទែរ៉ាណេ(PAM)។  ក្នុងជំនួបនេះ ភាគីទាំងពីរបានពិភាក្សាស្វែងរកមធ្យោបាយក្នុងការពង្រឹងចំណងទាក់ទងសភារវាង  FNC  និង  PAM។  លោក Ghobash បានសង្កត់ធ្ងន់ពីសារៈសំខាន់នៃការអភិវឌ្ឍកិច្ចសហប្រតិបត្តិការក្នុងចំណោម សភានៃបណ្តាប្រទេសនៅក្នុងសន្និបាតសភាសមុទ្ទមេឌីទែរ៉ាណេ។

លោក Ghobash ក៏បានគូសបញ្ជាក់ពីបំណងដ៏មុតស្រួចរបស់ FNC ក្នុងការចូលរួមក្នុងការងាររបស់  PAM ចាប់តាំងពីខ្លួនទទួលបានការយល់ព្រមឱ្យចូលជាសមាជិក PAM នៅក្នុងសម័យប្រជុំពេញអង្គលើក ទី១៤ នៃសន្និបាតសភាសមុទ្ទមេឌីទែរ៉ាណេ ក្នុងខែកុម្ភៈ ឆ្នាំ២០២០។ លោកប្រធានសភារូបនេះ​ក៏បាន លើកឡើងផងដែរពីវឌ្ឍនភាពនៃ​ចំណងទាក់ទង​រវាង FNC និង PAM ជាពិសេស បន្ទាប់ពីសភាអេមីរ៉ាត អារ៉ាប់រួម ទទួលបានការយល់ព្រមឱ្យចូលជាសមាជិកអចិន្រ្តៃយ៍…៕

https://www.sharjah24.ae/en/Articles/2023/01/26/Saqr-Ghobash-receives-President-of-PAMs-Women-Parliamentary-Forum