រូបភាព សន្និបាតសភាអាស៊ី(APA) និងសភាអារ៉ាប់

សម័យប្រជុំពេញអង្គលើកទី១៣ នៃសន្និបាតសភាអាស៊ី (APA) ដែលធ្វើឡើងនាពេលថ្មីៗនេះនៅ ក្នុងសាធារណរដ្ឋតួកគី បានអនុម័តផ្តល់ឋានៈជាអ្នកសង្កេតការណ៍​ដល់សភាអារ៉ាប់ អនុញ្ញាតឱ្យសភា អារ៉ាប់ចូលរួមក្នុងសម័យប្រជុំពេញអង្គរបស់ខ្លួនបាន។ ការអនុញ្ញាតនេះធ្វើឡើងដើម្បីពង្រឹងចំណងទាក់ ទងរវាងភាគីទាំងពីរ បើកផ្លូវ​សម្រាប់កិច្ចសម្របសម្រួលជាអចិន្រ្តៃយ៍ និងកិច្ចសហប្រតិបត្តិការកិច្ចការដែល ជាផលប្រយោជន៍រួម ព្រមទាំងផលប្រយោជន៍របស់ពិភពអារ៉ាប់ និងប្រជាជនអាស៊ី។

ការផ្តល់ឋានៈខាងលើនេះ គឺជាការឆ្លើយតបទៅនឹងសំណើរបស់ឯកឧត្តម Adel bin AbdulRahman AlAsoomi ប្រធានសភាអារ៉ាប់ ស្នើមកកាន់សន្និបាតសភាអាស៊ី ដែលជា​ផ្នែកមួយនៃបំណងដ៏មុតស្រួច របស់លោកក្នុងការអភិវឌ្ឍ និងពង្រឹងចំណងទាក់ទងសភារវាងពិភពអារ៉ាប់ និងអាស៊ី។ លោក AlAsoomi បានថ្លែងថា កិច្ចសហប្រតិបត្តិការ​រវាង​​សភាអារ៉ាប់ និងសន្និបាតសភាអាស៊ីនឹងរួមចំណែកក្នុងការផ្លាស់ប្តូរ បទពិសោធគ្នាទៅវិញទៅមករវាងសភាទាំងពីរ និងជាការធ្វើឱ្យសកម្មឡើងនូវតួនាទីការ​ទូតសភា​អារ៉ាប់ ដើម្បីធានានូវការគាំទ្របន្ថែមទៀតពីតំបន់ និងអន្តរជាតិសម្រាប់កិច្ចការអារ៉ាប់…៕

https://see.news/arab-parliament-obtains-observer-status-at-asian-parliamentary-assembly