លោក Hakase Suidobashi លាលែងពីសមាជិកសភាគណបក្សប្រឆាំង

រាជធានីតូក្យូ៖ កាលពីថ្ងៃចន្ទ ទី១៦ ខែមករា ឆ្នាំ២០២៣ លោក Reiwa Shinsengumi បាន​លាលែងពីសមាជិកសភាជាន់ខ្ពស់ជប៉ុន (House of Councillors)។ អ្នកនយោបាយ​ដែលជាអតីតតារាកំប្លែងរូបនេះ  មានឈ្មោះពិត Masayoshi Ono បានបញ្ចប់ជីវភាពនយោបាយរបស់ខ្លួន កាលពីខែតុលា ឆ្នាំ២០២២ បន្ទាប់ពី បានធ្វើ​រោគវិនិច្ឆ័យឃើញជំងឺផ្លូវចិត្ត។

ក្នុងសន្និសីទសារព័ត៌មានមួយ កាលពីថ្ងៃចន្ទ ទី១៦ ខែមករា ឆ្នាំ២០២៣ លោក Reiwa Shinsengumi ប្រធានគណបក្ស Taro Yamamoto បានថ្លែងថា លោក Suidobashi បានដាក់ពាក្យសុំលាលែងទៅលោក Hidehisa Otsuji ប្រធានសភាជាន់ខ្ពស់ជប៉ុន។ ពាក្យស្នើសុំលាលែងនេះ ត្រូវបានអនុម័តនៅថ្ងៃដដែលនោះ។

គណបក្ស Yamamoto បានឱ្យដឹងថា លោក​ Suidobashi បានបង្ហាញជាច្រើនលើកច្រើនសារអំពីចេតនាក្នុងការលាលែងពីសមាជិកសភានេះ ចាប់តាំងពីខែធ្នូ ឆ្នាំ២០២២ មក។ លោក Suidobashi ហាក់ដូចជាចេះតែស្ទាក់ស្ទើរ​ ដែលធ្វើឱ្យលោកមិនអាចបំពេញការងារជាសមាជិកសភាបាន។ នេះបើតាមការឱ្យដឹងពីគណបក្ស Yamamoto។

លោក Suidobashi គឺជាសមាជិកដៃគូកំប្លែង ១ រូប ក្នុងខ្សែរភាពយន្តរឿង Asakusa Kid បានទទួលអាសនៈ ក្រោមប្រព័ន្ធតំណាងសមាមាត្រនៅក្នុងការបោះឆ្នោតសភា​ជាន់ខ្ពស់​ជាប៉ុន កាលពីខែកក្កដា ឆ្នាំ២០២២៕