បរទេស៖ ប្រធានាធិបតីអ៊ុយក្រែនលោក Volodymyr Zelensky បានទាមទារឱ្យសហរដ្ឋអាមេរិក ជួយផ្តល់យន្តហោះចម្បាំង ឬបង្កើតតំបន់គ្មានការហោះហើរ ក្នុងអំឡុងពេលកិច្ចប្រជុំ តាមប្រព័ន្ធអនឡាញ ជាមួយសមាជិកសភាអាមេរិក កាលពីថ្ងៃសៅរ៍ ខណៈដែលសកម្មភាពយោធា របស់រុស្ស៊ី នៅអ៊ុយក្រែននៅតែបន្ត។

យោងតាមសារព័ត៌មាន RT ចេញផ្សាយនៅថ្ងៃទី៦ ខែមីនា ឆ្នាំ២០២២ បានឱ្យដឹងថា សមាជិកព្រឹទ្ធសភាជាច្រើនរូប ដែលចូលរួមក្នុងកិច្ចប្រជុំបានបញ្ជាក់ថា លោក Zelensky បានស្នើសុំយន្តហោះ ឬតំបន់គ្មានការហោះហើរ ដើម្បីអនុវត្ត នៅក្នុងប្រទេសអ៊ុយក្រែន ប្រឆាំងនឹងយន្តហោះរុស្ស៊ី។

សមាជិកសភាជាច្រើន បានសម្តែងការគាំទ្រ ជាបន្តបន្ទាប់ចំពោះសំណើរបស់ Zelensky នៅលើប្រព័ន្ធផ្សព្វផ្សាយសង្គម បើទោះបីជាអ្នករិះគន់ព្រមានថា តំបន់គ្មានការហោះហើរ ឬជំនួយយោធាបន្ថែមទៀត អាចនាំឱ្យមានជម្លោះ ដោយផ្ទាល់រវាងរុស្ស៊ី និងអង្គការណាតូ ក៏ដោយ។

លោក Ben Sasse សមាជិកព្រឹទ្ធសភា មកពីគណបក្សសាធារណរដ្ឋ បាននិយាយបន្ទាប់ពីកិច្ចប្រជុំថា “អ៊ុយក្រែនត្រូវការថាមពល ដែនអាកាសបន្ទាន់ ហើយអាមេរិកគួរតែបញ្ជូនវាទៅ” ។ “សាររបស់ Zelensky គឺសាមញ្ញ, បិទដែនអាកាស ឬផ្តល់ឱ្យយើងនូវយន្តហោះ៕

https://dap-news.com/international/2022/03/06/226982/