ទិដ្ឋភាពទូទៅក្នុងសភានៃសាធារណរដ្ឋលីបង់

លោក Nabih Berri ប្រធានសភានៃសាធារណរដ្ឋលីបង់ បានកំណត់យកថ្ងៃទី១២ ខែមករា ឆ្នាំ ២០២៣ ដើម្បីរៀបចំកិច្ចប្រជុំបោះឆ្នោតជ្រើសតាំងប្រធានាធិបតីថ្មី។ ការិយាល័យរបស់លោក Berri បាន ចេញសេចក្តីថ្លែងការណ៍មួយថា កិច្ចប្រជុំខាងលើនឹងធ្វើឡើងនៅម៉ោង ១១៖០០នាទីព្រឹក ម៉ោងក្នុងប្រទេស លីបង់។ កន្លងមកសមាជិក​សភាបានរៀបចំកិច្ចប្រជុំបោះឆ្នោត១០លើកមកហើយ ប៉ុន្តែមិនអាចបោះឆ្នោត ជ្រើសតាំងប្រធានាធិបតីថ្មី ដើម្បីបន្តវេនពីលោកប្រធានាធិបតី Michel Aoun ដែលបានចប់​អាណត្តិ តាំងពីថ្ងៃតី៣១ ខែតុលា ឆ្នាំ២០២២។

ក្រុមសមាជិកសភា រួមទាំង គណបក្សកម្លាំងលីបង់ បានចោទប្រកាន់ថាសមាជិកសភាដែលមាន ទំនាក់ទំនងជាមួយក្រុមហេបូឡា និងសម្ព័ន្ធមិត្តរបស់ខ្លួន បានបន្ទុចបង្អាក់ការ​បោះឆ្នោត​ប្រធានាធិបតីថ្មី ដោយទម្លាក់សន្លឹកឆ្នោតទទេស្អាត។ ប៉ុន្តែក្រុមអេបូឡា បានច្រានចោលការចោទប្រកាន់មួយនេះ ដោយបានថ្លែងថា ក្រុមខ្លួនស្វែងរកប្រធានាធិបតី​មួយរូបដែល”នឹងមិនចាក់ពួកគេពីក្រោយខ្នង”…៕

https://www.aa.com.tr/en/middle-east/lebanese-parliament-to-elect-new-president-on-jan-12/2784336