លោក Tran Hong Ha (ទី៣ឆ្វេង) និងលោក Tran Luu Quang (ទី២ស្តាំ) ក្លាយជាឧបនាយករដ្ឋមន្ត្រីថ្មីជាផ្លូវការ

កាលពីថ្ងៃព្រហស្បតិ៍ ទី០៥ ខែមករា ឆ្នាំ២០២៣ រដ្ឋសភានៃសាធារណរដ្ឋសង្គមនិយមវៀតណាម បានអនុម័តលើសេចក្តីសម្រេចចិត្តរបស់លោកនាយករដ្ឋមន្ត្រី Pham Minh Chinh ស្តីពីការតែងតាំងឧបនាយករដ្ឋមន្ត្រីចំនួនពីររូប នៅក្នុងសម័យប្រជុំវិសាមញ្ញលើកទី២ របស់ខ្លួននៅរដ្ឋធានីហាណូយ។

លោក Tran Hong Ha និងលោក Tran Luu Quang បានក្លាយជាឧបនាយករដ្ឋមន្ត្រីថ្មីជាផ្លូវការសម្រាប់អាណត្តិឆ្នាំ២០២១-២០២៦ បន្ទាប់ពីសេចក្តីសម្រេចនេះ ទទួល​បាន​សំឡេងគាំទ្រពីសមាជិករដ្ឋសភាដែលចូលរួមទាំងអស់ចំនួន ៤៨១រូប ស្មើនឹង ៩៦,៦៨% នៃចំនួនសមាជិករដ្ឋសភាសរុប។ សេចក្តី សម្រេចចិត្តនេះចូលជាធរមាន​បន្ទាប់ពីវាត្រូវបានអនុម័តដោយរដ្ឋសភា។ លោក Ha កើតនៅឆ្នាំ១៩៦៣ គឺជាសមាជិកជំនួសនៃគណៈកម្មាធិការមជ្ឈិមបក្សលើកទី១១ និងជាសមាជិកនៃគណៈកម្មាធិកា​​រ​មជ្ឈិមបក្សក្នុងអាណត្តិទី១២ និងទី១៣ ព្រមទាំងជាអនុប្រធាននៃរដ្ឋសភាវៀតណាមនីតិកាលទី១៤។ លោកត្រូវបានតែងតាំងជារដ្ឋមន្ត្រីក្រសួងធនធានធម្មជាតិ និងបរិស្ថាន នៅខែមេសា ឆ្នាំ២០១៦។ លោក Quang កើតនៅឆ្នាំ១៩៦៧ គឺជាសមាជិកជំនួសនៃគណៈកម្មាធិការមជ្ឈិមបក្សទី១១ និងជាសមាជិកគណៈកម្មាធិការមជ្ឈិមបក្សក្នុង​អាណត្តិទី​១២ និងទី១៣។

លោក Quang បានបម្រើការជាលេខាគណៈកម្មាធិការបក្សនៃទីក្រុងកំពង់ផែភាគខាងជើងទីក្រុង Hai Phong ចាប់តាំងពីខែមេសា ឆ្នាំ២០២១ និងជាប្រធានគណៈប្រតិភូនៃ​សមាជិកសភា​​នីតិកាលទី១៥ របស់ទីក្រុង Hai Phong ។ លោក​ជា​តំណាងរាស្ត្រ​នីតិកាល​ទី​១៤ និង​ទី​១៥ ៕

http://ព័ត៌មានសភាអន្តរជាតិ ០៦-០១-២៣-ផាត់ ត្រដែត ប្រែសម្រួលពី៖ https://en.vietnamplus.vn/na-approves-appointment-of-two-deputy-prime-ministers/246604.vnp