ទ្រព្យសម្បត្តិរបស់សមាជិកសភាជាន់ខ្ពស់ជប៉ុនជាប់ឆ្នោតនៅពេលថ្មីៗនេះ ជាមធ្យម ២៥.៣៥ លានយ៉េន

រាជធានីតូក្យូ៖ ព័ត៌មានដែលទទួលបានកាលពីថ្ងៃពុធ ទី០៣ ខែមករា ឆ្នាំ២០២៣ បាន​ឱ្យដឹងថា ទ្រព្យសម្បត្តិដែលគ្រប់គ្រងដោយសមាជិកសភាជាន់ខ្ពស់ជាប់ឆ្នោតជប៉ុន កាលពីក្នុងខែកក្កដា ឆ្នាំ២០២២ ជាមធ្យម ២៥.៣៥ លានយ៉េន កើនចំនួន ៣៦.២% ពីចំនួនមធ្យមសម្រាប់សមាជិកសភាជាន់ខ្ពស់ជប៉ុនដែលបានទទួលអាសនៈ​ក្នុងការ​បោះឆ្នោតកាលពីឆ្នាំ២០១៩។ អ្នកសង្កេតការណ៍មួយចំនួន បាននិយាយថា កំណើនទ្រព្យសម្បត្តិខ្ពស់នេះ អាចត្រូវបានគចាត់ទុកថា ជារបស់ក្រុមអ្នកមានទ្រព្យសម្បត្តិ​ស្តុកស្តម្ភថ្មី ដូចជា វេជ្ជបណ្ឌិត មេធាវី និងអតីតអគ្គនាយកទូរទស្សន៍ជាច្រើនរូប។

របាយការណ៍នានា បានបង្ហាញថា អនុលោមតាមច្បាប់ស្តីពី ទ្រព្យសម្បត្តិដែលគ្រប់គ្រងដោយសមាជិកសភាជាន់ខ្ពស់ ១២៥ រូប ដែលទើបជាប់ឆ្នោតនៅពេលថ្មីៗនេះ ចាប់តាំងពីថ្ងៃទី២៦ ខែកក្កដា ឆ្នាំ២០២២ មក ជាថ្ងៃដែលត្រូវបានចាប់ផ្តើមអាណត្តិរបស់ខ្លួន ដែលរួមមាន ការពិនិត្យមើលលើទ្រព្យសម្បត្តិរបស់សមាជិកសភាជាន់ខ្ពស់ ៤ រូប សរុបជាង ១០០ លានយ៉េនក្នុងម្នាក់ៗ។ របាយការណ៍ទាំងនេះ មិនបានឆ្លុះបញ្ចាំងអំពីតម្លៃនៃការកាន់កាប់ភាគហ៊ុននានាបានឡើយ។

អ្នកគ្រប់គ្រងទ្រព្យសម្បត្តិកំពូលៗ ៣ រូប គឺជាសមាជិកគណបក្សកាន់អំណាច គឺគណបក្សប្រជាធិបតេយ្យទាំងអស់ រួមមាន លោក Hokuto Hoshi វេជ្ជបណ្ឌិត ម្ចាស់កម្ម​សិទ្ធិគ្រឿងបរិក្ខារពេទ្យជាច្រើនកន្លែង បើតាមរបាយការណ៍ មានទ្រព្យសម្បត្តិចំនួន ២៩៧.៥៩ លានយ៉េន, លោក Harutomo Kosho មេធាវី មានទ្រព្យសម្បត្តិចំនួន ២៥២.៥៧ លានយ៉េន និងលោក Masayuki Kamiya សមាជិកសភាជាន់ទាប មានទ្រព្យសម្បត្តិចំនួន ១៨៩.៩៩ លានយ៉េន។

បន្ទាប់ពីលោក Masayuki Kamiya និង លោក Naoki Inose អតីតអភិបាលក្រុងតូក្យូ, ឥឡូវនេះ មានសមាជិកសភាជាន់ទាប ១ ​រូប មកពីគណបក្ស Nippon Ishin no Kai និងអតីតម្ចាស់ក្រុមហ៊ុនទូរទស្សន៍ ២ រូប គឺលោកស្រី Eriko Imai និងលោកស្រី Akiko Ikuina លោកស្រីទាំង ២ រូប គឺជាសមាជិកគណបក្សប្រជាធិបតេយ្យសេរី។ ព័ត៌មានដែលត្រូវបានគេឃើញបង្ហោះនៅលើបណ្តាញទំនាក់ទំនងសង្គមនានា គឺមានទ្រព្យសម្បត្តិចំនួនប្រហែល ១០០ លានយ៉េន៕

http://ព័ត៌មានសភាអន្តរជាតិ ០៦-០១-២៣-កែវ ធាវី ប្រែសម្រួលពី៖ https://www.nippon.com/en/news/yjj2023010400349/assets-of-japan’s-recently-elected-upper-house-members-