គណបក្សប្រជាធិបតេយ្យរដ្ឋធម្មនុញ្ញ និងគណបក្ស Nippon Ishin ជប៉ុន បន្តសហការគ្នាក្នុងសម័យប្រជុំពេញអង្គសភា
គណបក្សប្រជាធិបតេយ្យរដ្ឋធម្មនុញ្ញ និងគណបក្ស Nippon Ishin ជប៉ុន បន្តសហការគ្នាក្នុងសម័យប្រជុំពេញអង្គសភា
រដ្ឋធានីតូក្យូ៖ គណបក្សប្រឆាំងដែលនាំមុខគេក្នុងប្រទេសជប៉ុន គឺគណបក្សប្រជាធិបតេយ្យរដ្ឋធម្មនុញ្ញ និងគណបក្ស Nippon Ishin no Kai ដែលជាកម្លាំងនយោបាយប្រឆាំងដ៏សំខាន់មួយក្នុងប្រទេសជប៉ុន គ្រោងបន្តកិច្ចសហប្រតិបត្តិការរបស់ខ្លួនក្នុងសម័យប្រជុំពេញអង្គនៅពេលខាងមុខ ដើម្បីរួមគ្នាប្រឆាំងនឹងរដ្ឋបាលរបស់លោក Fumio Kishida នាយករដ្ឋមន្ត្រី។
ដោយសារកិច្ចសហប្រតិបត្តិការរបស់គណបក្សប្រជាធិបតេយ្យរដ្ឋធម្មនុញ្ញ និងគណបក្ស Nippon Ishin នេះហើយ ទើបទទួលបានលទ្ធផលជាផ្លែផ្កានៅក្នុងសម័យប្រជុំវិសាមញ្ញ ដែលទើបបានបិទបញ្ចប់កាលពីខែធ្នូ ឆ្នាំ២០២២ ដូចជា ការអនុម័តសេចក្តីព្រាងច្បាប់ថ្មីមួយ ដើម្បីជួយដល់ជនរងគ្រោះ ដោយសារ អង្គការសាសនាមួយចំនួន រួមមាន អង្គការព្រះវិហារគ្រិស្ត Unification Church ដែលត្រូវបានគេស្គាល់ជាផ្លូវការថា ជាសហព័ន្ធគ្រួសារសន្តិភាពពិភពលោក និងការបង្រួបបង្រួម។
