រូប​តំណាងនៃការទម្លាក់សន្លឹកឆ្នោត ទៅក្នុងធុងឆ្នោត

លោកស្រី Özlem Zengin ប្រធានក្រុមសមាជិកសភាគណបក្សកាន់អំណាច គឺគណបក្សយុត្តិធម៌ និងការអភិវឌ្ឍ (AKP) បានថ្លែងថា    សាធារណរដ្ឋតួកគីអាចនឹងរៀបចំ​ការ​បោះឆ្នោតប្រធានាធិបតី និងបោះ ឆ្នោតសភានៅថ្ងៃទី១៤ ខែ ឧសភា ឆ្នាំ២០២៣ បើទោះបីជាកាលបរិច្ឆេទពិតប្រាកដ នៅមិនទាន់សម្រេចនៅ ឡើយក្តី។

ការអធិប្បាយរបស់លោកស្រី Özlem Zengin ស្តីពីលទ្ធភាពនៃកាលបរិច្ឆេទការបោះឆ្នោតបានធ្វើឡើង ក្រោយពីជំនួបកាលពីសប្តាហ៍មុន រវាងលោក Tayyip Erdoğan ប្រធានាធិបតីតួកគី និងសម្ព័ន្ធមិត្តស្តាំ និយមជ្រុលរបស់លោក គឺលោក Devlet Bahçeli ដែលជាមេដឹកនាំគណបក្សចលនាអ្នកជាតិនិយម (MHP)។

បើតាមសេចក្តីរាយការណ៍តាមប្រព័ន្ធផ្សព្វផ្សាយរបស់តួកគីបានឱ្យដឹងថា សម្ព័ន្ធមិត្តទាំងពីរបាន ពិភាក្សាគ្នាពីលទ្ធភាពនៃកាលបរិច្ឆេទសម្រាប់ការបោះឆ្នោតដែលតាមធម្មតា គឺធ្វើឡើងនៅថ្ងៃទី១៨ ខែ មិថុនា។ លោកស្រី  Zengin បានច្រានចោលសេចក្តីរាយការណ៍នៅក្នុងប្រព័ន្ធផ្សព្វផ្សាយដែលថា ថ្ងៃទី៣០ ខែមេសា ឆ្នាំ២០២៣ គឺជាកាលបរិច្ឆេទ​នៃការបោះឆ្នោតទាំងពីរខាងលើ ប៉ុន្តែអាចនឹងធ្វើឡើងនៅថ្ងៃទី១៤ ខែឧសភា​ ឆ្នាំ២០២៣…៕

https://medyanews.net/turks-likely-to-go-to-the-polls-on-14-may/