លោក chuan leekpai ប្រធានសភាតំណាងនៃព្រះរាជាណាចក្រថៃ

លោក  Chuan Leekpai ប្រធានសភានៃព្រះរាជាណាចក្រថៃបានព្យាករណ៍ថា សភាតំណាងថៃនឹងត្រូវរំលាយនៅមុនពេលដែលអាណត្តិ ៤ឆ្នាំ របស់សមាជិកសភាត្រូវ​បញ្ចប់​នៅថ្ងៃទី២៣ ខែមីនា។ លោក Leekpai បានថ្លែងថា ការរំលាយសភាអាចនឹងកើតមានឡើងផងដែរក្នុងអំឡុងពេល ឬក្រោយពេលសម័យ ប្រជុំសភាសាមញ្ញ ប៉ុន្តែត្រូវតែ​ធ្វើឡើងនៅមុនពេលផុតអាណត្តិរបស់សមាជិកសភា។ សម័យប្រជុំសភា បច្ចុប្បន្ន​នឹងត្រូវបន្តរហូតដល់ថ្ងៃទី២៨ ខែកុម្ភៈ ឆ្នាំ២០២៣។

ប្រសិនបើសភាត្រូវបានរំលាយ នោះសភានឹងអាចមានសម័យប្រជុំសាមញ្ញបានតែ ៨លើកប៉ុណ្ណោះ​ ចាប់តាំងពីសភា បានបើកសម័យប្រជុំដំបូង បន្ទាប់ពីការបោះឆ្នោតសកល ខែមីនា ឆ្នាំ២០១៩មក។ នេះមានន័យថា សភាមួយនេះនឹងមិនអាចបំពេញអាណត្តិ ៤ឆ្នាំរបស់ខ្លួននោះទេ។ បុរសវ័យ ៨៤ឆ្នាំរូបនេះនឹងមិនអាចទស្សន៍ទាយបានពីស្ថានភាព​វិវឌ្ឍន៍នយោបាយនៅក្នុងឆ្នាំថ្មី ប៉ុន្តែវាអាស្រ័យលើការត្រៀមខ្លួនរួច រាល់របស់គណបក្សនានា សម្រាប់ការប្រកួតប្រជែងការបោះឆ្នោតដែលគ្រោងនឹងធ្វើឡើងនៅថ្ងៃទី០៧  ខែឧសភា ឆ្នាំ២០២៣។ ដោយឡែក លោក Pornpetch Wichit­cholchai ប្រធានព្រឹទ្ធសភាថៃ ក៏បាន   ទទួលស្គាល់ផងដែរថា ការរំលាយសភាអាចនឹងត្រូវធ្វើឡើង​នៅមុន​ពេលផុតអាណត្តិរបស់សមាជិកសភា។

លោក Pornpetch បានបង្ហាញក្តីសោមនស្សចំពោះការងាររបស់សមាជិកសភាថៃ ក្នុងការអនុម័តសេចក្តីព្រាងច្បាប់នានា។ “សមាជិកព្រឹទ្ធសភាដែលទទួលបានការតែងតាំង​ពីអ្នកធ្វើរដ្ឋប្រហារដែលជាក្រុមប្រឹក្សារក្សាសន្តិភាព និងសណ្តាប់ធ្នាប់(ដែលបច្ចុប្បន្នត្រូវបានរំលាយចោល)នោះ មានសេរីភាពក្នុងការបោះឆ្នោតលើសេចក្តីព្រាង​ច្បាប់ដែល​មកដល់ចំពោះមុខពួកគេ ដោយគ្មានការគាបសង្កត់ឱ្យបម្រើផលប្រយោជន៍របស់រាជរដ្ឋាភិបាល”។

ទន្ទឹមនឹងពេលដែលស្ថានភាពកាន់តែស្មុគ្រស្មាញ និងពិបាកយល់បានជុំវិញល្បិចកលនយោបាយរបស់លោកនាយករដ្ឋមន្រ្តី prayut chan-o-cha ។ នាយករដ្ឋមន្រ្តី វ័យ៦៨​ឆ្នាំ​រូបនេះ បានចូលរួមក្នុងគណបក្សថៃរួបរួមជាតិ(UTN) កាលពីថ្ងៃទី២៣ ខែធ្នូ ឆ្នាំ២០២៣ ដែលនេះជាអ្វីដែលគេគ្រប់គ្នាបានទស្សន៍ទាយ ក៏ប៉ុន្តែលោក prayut នៅតែទទួល​បានការគាំទ្រពីមិត្តសម្លាញ់របស់លោក គឺលោកឧបនាយករដ្ឋមន្រ្តី Prawit Wongsuwon ដែលបានថ្លែងពីការចាកចេញរបស់លោក prayut  នាពេលថ្មីនេះ ជាលើកដំបូង៕

http://ព័ត៌មានសភាអន្តរជាតិ ០២-០១-២៣- ឈាវ សុផាត ប្រែសម្រួលពី៖ https://en.mehrnews.com/news/195579/Propsals-to-bolster-women-rights-bill-sent-to-parliament