លោក Joo Ho-young (កណ្តាល) ប្រធានក្រុមសមាជិកសភាគណបក្សអំណាចប្រជាជន​ ថ្លែងក្នុងកិច្ចប្រជុំឆ្លើយតបរបស់គណបក្ស ក្នុងសភា នាថ្ងៃទី២៩ ខែធ្នូ ឆ្នាំ២០២២

រដ្ឋធានីសេអ៊ូល៖ កាលពីថ្ងៃព្រហស្បតិ៍ ទី២៩ ខែធ្នូ ឆ្នាំ២០២២ គណបក្សកាន់អំណាច គឺគណបក្ស អំណាចប្រជាជនសាធារណរដ្ឋកូរ៉េ (កូរ៉េខាងត្បូង) បានស្នើសុំរដ្ឋសភា​អនុម័ត​សេចក្តីសម្រេចមួយ ថ្កោលទោសការជ្រៀតចូល Drone របស់សាធារណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង) នៅពេលថ្មីៗនេះ ដែលជាការបញ្ជូនសារយ៉ាងច្បាស់​មួយ ទៅរដ្ឋាភិបាលទីក្រុងព្យុងយ៉ាង។

​កាលពីថ្ងៃចន្ទ ទី២៦ ខែធ្នូ ឆ្នាំ២០២២ កងទ័ពកូរ៉េខាងត្បូង ចាប់បានយន្តហោះ Drone ចំនួន ៥ គ្រឿង ដែលបានហោះកាត់ខ្សែបន្ទាត់ព្រំដែនយោធា ខណ្ឌចែកប្រទេសកូរ៉េ​ទាំងពីរ។ យន្តហោះ Drone នេះ ត្រូវបានគេប្រទះឃើញហោះនៅក្នុងតំបន់ព្រំដែនខេត្ត Gyeonggi ជាមួយនឹងយន្តហោះ Drone មួយ ក្នុងចំណោមយន្តហោះ Drone ទាំងនោះ ដែលហោះរហូតទាល់ផ្លូវ នៅភាគខាងត្បូងនៃរដ្ឋធានីសេអ៊ូល។ ព្រឹត្តិការណ៍នេះ ត្រូវបានគេកត់សម្គាល់ឃើញពីការរំលោភជាលើកដំបូង ក្នុងរយៈពេល ៥ ឆ្នាំកន្លងមកនេះ។

​លោក Joo Ho-young ប្រធានក្រុមសមាជិករដ្ឋសភាគណបក្សអំណាចប្រជាជន បានថ្លែងឆ្លើយតបក្នុងកិច្ចប្រជុំគណបក្សមួយថា «រដ្ឋសភារបស់យើង ត្រូវបញ្ជូនសារយ៉ាងច្បាស់​មួយ ទៅរដ្ឋាភិបាលកូរ៉េខាងជើង»។ លោក Joo បានថ្លែងបន្តទៀតថា តាមរយៈការអនុម័តសេចក្តីសម្រេចបន្ទាន់រួមមួយ លោកសង្ឃឹមថា យើងអាចបញ្ជូននូវការព្រមានខ្លាំងៗ​មួយ ទៅអាជ្ញាធរកូរ៉េខាងជើង ខណៈដែលបង្ហាញអំពីការឯកភាពប្រទេសរបស់យើង៕

http://ព័ត៌មានសភាអន្តរជាតិ ៣០-១២-២២-កែវ ធាវី ប្រែសម្រួលពី៖ https://en.yna.co.kr/view/AEN20221229003151315