លោក Shen Deyong អតីតសមាសភាប្រឹក្សានយោបាយប្រជាចនចិន

រដ្ឋធានីប៉េកាំង៖ រដ្ឋអាជ្ញារនៃសាធារណរដ្ឋប្រជាមានិតចិន បានចេញដីការចោទប្រកាន់លើលោក Shen Deyong អតីតទីប្រឹក្សានយោបាយជាន់ខ្ពស់ ពីបទសង្ស័យថា បាន​ប្រព្រឹត្តបទល្មើសព្រហ្មទណ្ឌ ពុករលួយ។ លោក Shen គឺជាអតីតសមាជិកគណៈកម្មាធិការអចិន្ត្រៃយ៍នៃគណៈកម្មាធិការជាតិសភាប្រឹក្សានយោបាយប្រជាជនចិន និងជាប្រធាន​គណៈកម្មាធិការច្បាប់ និងសង្គម នៃគណៈកម្មាធិការជាតិសភាប្រឹក្សានយោបាយប្រជាជនចិន។ លោក Shen ក៏ធ្លាប់បម្រើការងារជាអនុប្រធានតុលាការកំពូល​ប្រជាជនចិន​ផងដែរ។

​ដីការចោទប្រកាន់នេះ បានឱ្យដឹងថា លោក Shen ទាញយកប្រយោជន៍ពីតំណែងផ្សេងៗ ដើម្បី​ស្វែងរកប្រយោជន៍ពីអ្នកដទៃ និងបានទទួល ជាពិសេសប្រាក់ និងអំណោយ​យ៉ាង​ច្រើន។ នេះបើតាមការអះអាងពីរដ្ឋអាជ្ញាកំពូលប្រជាជនចិន កាលពីថ្ងៃអង្គារ ទី២៧ ខែធ្នូ ឆ្នាំ២០២២។

សំណុំរឿងរបស់លោក Shen នេះ ត្រូវបានចោទប្រកាន់ដោយរដ្ឋអាជ្ញាក្រុង Ningbo នៃខេត្ត Zhejiang។ សេចក្តីថ្លែងការណ៍របស់រដ្ឋអាជ្ញាកំពូលប្រជាជនចិននេះ បានឱ្យដឹង​ថា រដ្ឋអាជ្ញាជាច្រើនរូប បានជម្រាបចុងចោទអំពីសិទ្ធនៃរឿងក្តីរបស់លោកដែលត្រូវបានគេចោទសួរ​ និងបានស្តាប់មតិយោបល់របស់មេធាវី៕

http://ព័ត៌មានសភាអន្តរជាតិ ២៨-១២-២២-កែវ ធាវី ប្រែសម្រួលពី៖ http://www.china.org.cn/china/Off_the_Wire/2022-12/27/content_85028707.htm