រដ្ឋសភានៃសាធារណរដ្ឋ Artsakh

រដ្ឋសភានៃសាធារណរដ្ឋ Artsakh បានអំពាវនាវដល់អង្គការសហប្រជាជាតិ (UN) ឱ្យលាតត្រដាង ការញុះញង់របស់អាជ្ញាធរសាធារណរដ្ឋអាស៊ែបៃហ្សង់ ក្រោមលេស​បរិស្ថានមិនពិត។

យោងតាម​ការ​បញ្ជាក់​របស់​រដ្ឋសភាបានឱ្យដឹងថា “កាលពីថ្ងៃទី១២ ខែធ្នូ ឆ្នាំ២០២២ ការបិទច្រករបៀង Lachine ដែលជាផ្លូវតែមួយគត់ដែលតភ្ជាប់ប្រទេស Artsakh ទៅកាន់សាធារណរដ្ឋអាមេនី និងពិភពខាងក្រៅ ដោយអាជ្ញាធរនៃសាធារណរដ្ឋអាស៊ែបៃហ្សង់ ក្រោមលេសបរិស្ថានមិនពិត និងរំលោភលើកិច្ចព្រមព្រៀងដែលសម្រេច​បានដោយ​សេចក្តីថ្លែងការណ៍ត្រីភាគីកាលពីថ្ងៃទី០៩ ខែវិច្ឆិកា ឆ្នាំ២០២០ ដែលបានប្រែទៅជាគ្រោះមហន្តរាយផ្នែកមនុស្សធម៌ និងរំខានដល់សន្តិភាពដ៏ផុយស្រួយ ហើយតំបន់​ថ្មីមានទំនោរទៅរកអស្ថិរភាព។ រដ្ឋសភា Artsakh បានថ្លែងអំណរគុណចំពោះបណ្តាប្រទេសដែលព្រួយបារម្ភ អំពីបញ្ហានេះ, អង្គការអន្តរជាតិ, ក្រុមប្រឹក្សាសន្តិសុខអង្គការ​សហប្រជាជាតិ, ECHR សម្រាប់ការឆ្លើយតប ទៅនឹងវិបត្តិមនុស្សធម៌ដែលបានបង្កើតឡើងនៅក្នុងសាធារណរដ្ឋ Artsakh ដែលត្រូវបានឡោមព័ទ្ធដោយ អាស៊ែបៃហ្សង់ ។ សេចក្តីថ្លែងការណ៍បានឱ្យដឹងទៀតថា “រដ្ឋសភានៃសាធារណរដ្ឋ Artsakh បានអំពាវនាវដល់អង្គការសហប្រជាជាតិឱ្យលាតត្រដាងការញុះញង់របស់អាជ្ញាធរ អាស៊ែបៃហ្សង់ ក្រោមលេសបរិស្ថានមិនពិតដើម្បីអនុវត្តន៍សិទ្ធិអន្តរជាតិចាំបាច់ជាពិសេស ដើម្បីបញ្ជូនក្រុមត្រួតពិនិត្យទៅសាធារណរដ្ឋ Artsakh និងតំបន់ជាប់គ្នា។ នៅក្នុងក្របខ័ណ្ឌ​នៃ​កម្មវិធី​បរិស្ថាន​របស់អង្គការសហប្រជាជាតិ ដើម្បីសិក្សាអំពីបញ្ហាបរិស្ថានក្នុងតំបន់ និងបង្ហាញការសន្និដ្ឋានសមស្រប”។

រដ្ឋសភា Artsakh បានឱ្យដឹងបន្ថែមទៀតថា “យើងរំពឹងថានឹងដោះស្រាយស្ថានភាពវិបត្តិដែលបាន បង្កើតឡើងនៅក្នុងតំបន់ជាមួយនឹងជំហានប្រកបដោយប្រសិទ្ធភាព” ៕

http://ព័ត៌មានសភាអន្តរជាតិ ២៣-១២-២២-ផាត់ ត្រដែត ប្រែសម្រួលពី៖ https://en.armradio.am/2022/12/22/artsakhs-parliament-requests-the-un-to-send-a-monitoring-mission/