សភាប៉ាគីស្ថានបើកកិច្ចប្រជុំរួមរបស់ខ្លួន អនុម័តសេចក្តីព្រាងច្បាប់ ១០ ដោយសំឡេងភាគច្រើន

​កាលពីថ្ងៃអង្គារ ទី២០ ខែធ្នូ ឆ្នាំ២០២២ កិច្ចប្រជុំរួមនៃសភាសាធារណរដ្ឋឥស្លាមប៉ាគីស្ថាន បាន អនុម័តសេចក្តីព្រាងច្បាប់ ១០ រួមទាំង សេចក្តីព្រាងច្បាប់ដ៏ចម្រូងចម្រាស ២ ផងដែរ គឺសេចក្តីព្រាងច្បាប់ស្តីពី ក្រុមបឹក្សាពេទ្យ និងទន្តពេទ្យប៉ាគីស្ថាន​ឆ្នាំ២០២២ និងសេចក្តីព្រាងច្បាប់ស្តីពី វិទ្យាស្ថានវិទ្យាសាស្ត្រពេទ្យប៉ាគីស្ថានឆ្នាំ២០២២ ដែលត្រូវបានអនុម័តដោយសភាទាំងពីរថ្នាក់ ប៉ុន្តែ ត្រូវបានបញ្ជូន​ត្រឡប់ទៅវិញដោយប្រធានាធិបតី។

​កិច្ចប្រជុំរួម ដែលត្រូវបានដឹកនាំដោយលោក Raja Pervaiz Ashraf ប្រធានរដ្ឋសភានេះ ក៏បាន សម្រេចលើរបៀបវារៈ ២២ ផងដែរ ក្រៅពីរបៀបវារៈសរុប ២៣។ មានតែសេចក្តីព្រាងច្បាប់ស្តីពី ការការពារឪពុកម្តាយឆ្នាំ២០២២ មួយគត់ត្រូវបានព្យួរដោយសភា ខណៈពេលដែលលោក Shahdat Awan រដ្ឋមន្ត្រីក្រសួងច្បាប់ បានស្នើសុំ​ប្រធានសភាព្យួរសេចក្តីព្រាងច្បាប់នេះ ពីព្រោះសេចក្តីព្រាងច្បាប់នេះ ត្រូវការពិនិត្យពិភាក្សាបន្ថែមលើទិដ្ឋភាពច្បាប់ឱ្យបានពេញលេញ។

​សេចក្តីព្រាងច្បាប់ស្តីពី វិទ្យាស្ថានវិទ្យាសាស្ត្រពេទ្យប៉ាគីស្ថានឆ្នាំ២០២២ និងសេចក្តីព្រាងច្បាប់ស្តីពី ក្រុមបឹក្សាពេទ្យ និងក្រុមប្រឹក្សាទន្តពេទ្យប៉ាគីស្ថាន​ឆ្នាំ២០២២ ដែល​បានអូសបន្លាយពេលយូរមកហើយនោះ នៅទីបញ្ចប់បានទទួលការអនុម័តជាផ្លូវការដោយកិច្ចប្រជុំរួមនៃស្ថាប័ននីតិប្បញ្ញត្តិកំពូលនេះ។ ក្នុងអំឡុងអាណត្តិមុនៗរបស់​គណបក្យ Pakistan Tehreek-e-Insaf លោកបណ្ឌិត Arif Alvi ប្រធានាធិបតីប៉ាគីស្ថាន បានប្រកាសឱ្យប្រើប្រាស់ជាផ្លូវការនូវបទប្បញ្ញត្តិ ២ ពាក់ព័ន្ធនឹងបញ្ហាដែលបានកើត​ឡើង​​​ភាពចម្រូងចម្រាសមួយ ក្នុងចំណោមបញ្ហាជាច្រើនដែលជាក្តីបារម្ភ។ ខណៈពេលដែលរដ្ឋាភិបាលក្នុងតំណែងបានចូលកាន់អំណាច បទប្បញ្ញត្តិទាំងពីរនេះ ត្រូវបានបញ្ជូន​ត្រឡប់ទៅវិញដោយ រដ្ឋសភា និងព្រឹទ្ធភាដោយឡែកៗពីគ្នា៕

http://ព័ត៌មានសភាអន្តរជាតិ ២១-១២-២២-កែវ ធាវី ប្រែសម្រួលពី៖ https://dailytimes.com.pk/1041829/parliaments-joint-sitting-clears-10-bills-with-majority-vote/