ប្រជាពលរដ្ឋ ចូលរួមបោះឆ្នោតនៅក្នុងប្រទេសទុយនីស៊ី

កាលពីថ្ងៃសៅរ៍ ទី១៧ ខែធ្នូ ឆ្នាំ២០២២ សាធារណរដ្ឋទុយនីស៊ីបានដំណើរការ ការបោះឆ្នោតសភាលើក ដំបូងចាប់តាំងពីលោកប្រធានាធិបតី Kais Saied បានប្រកាសរំសាយ​ស្ថាប័ននីតិប្បញ្ញត្តិកាលពីខែមីនា។ នៅវេលា ម៉ោង ០៨ព្រឹក (ម៉ោងក្នុងស្រុក) ប្រជាជនទុយនីស៊ីបានចាប់ផ្តើមដំណើរការបោះឆ្នោតនៅតាមមណ្ឌលបោះឆ្នោត ចំនួន ៤,៥៥១​កន្លែង និងការិយាល័យបោះឆ្នោតចំនួន ១១,៣១០ នៅទូទាំងប្រទេសអាហ្វ្រិកខាងជើង។ ការបោះ ឆ្នោត​បាន​បិទ​នៅ​ម៉ោង ០៦ល្ងាច ហើយលទ្ធផលបឋមនឹងត្រូវបាន​ប្រកាស​នៅចន្លោះថ្ងៃអាទិត្យ ទី១៨ និងថ្ងៃអង្គារ ទី២០ ខែធ្នូ។ មានបេក្ខជនសរុបចំនួន ១,០៥៨នាក់ បានចូលរួមប្រកួតប្រជែងក្នុងការបោះឆ្នោតសម្រាប់អាសនៈ ចំនួន ១៦១​អាសនៈ នៅក្នុងសភា។ លោក Saied បានប្រកាសផ្អាកសភាទុយនីស៊ី និងរដ្ឋាភិបាលក្នុងខែកក្កដា ឆ្នាំ២០២១ មុនពេលប្រកាសរំលាយស្ថាប័ននីតិប្បញ្ញត្តិនៅថ្ងៃទី៣០ ខែមីនា ឆ្នាំនេះ….៕

https://english.news.cn/20221218/7cb86861ffd743b2936caff6f4ad1cda/c.html