ទិដ្ឋភាពក្នុងសាលប្រជុំពេញអង្គសភាជាន់ទាប់សាធារណរដ្ឋសហព័ន្ធអាល្លឺម៉ង់

​រដ្ឋធានីបែឡាំង៖ កាលពីថ្ងៃព្រហស្បតិ៍ ទី១២ ខែធ្នូ ឆ្នាំ២០២២ សភាជាន់ទាបនៃសាធារណរដ្ឋ សហព័ន្ធអាល្លឺម៉ង់បានអនុម័តសេចក្តីព្រាង​ច្បាប់​ថវិកាជាតិប្រមាណជា ១០០ ពាន់លានអឺរ៉ូ ស្មើនឹង (១០៦.១៤ ពាន់លានដុល្លារសហរដ្ឋអាមេរិក) ដើម្បីកាត់បន្ថយថ្លៃអគ្គិសនី និងឧស្ម័នសម្រាប់​ប្រើប្រាស់ក្នុងផ្ទះ និងឧស្សាហកម្ម ចាប់ពីខែមករា ឆ្នាំ២០២៣ ខាងមុខនេះតទៅ។

​សម្រាប់គ្រួសារ និងឧស្សាហកម្មខ្នាតតូច ដែលអ្វីគេហៅថា ជាកាបញ្ចុះថ្លៃនោះ នឹងចូលជាធរមាន នៅក្នុងខែមីនា ឆ្នាំ២០២៣ ខាងមុខនេះ។ សេចក្តីព្រាងច្បាប់ខាងលើនេះ នឹងដាក់ឱ្យអនុវត្តន៍ចាប់ពី​ ខែមករា ឆ្នាំ២០២៣ រហូតដល់ខែមេសា ឆ្នាំ២០២៤ ដែលកំណត់ថ្លៃឧស្ម័ន ១២ ​សេនអឺរ៉ូ ក្នុង​១ គីឡូវ៉ាត់ម៉ោង (kWh) និងកំណត់ថ្លៃអគ្គិសនី ៤០ សេនអឺរ៉ូ ស្រាប់ការប្រើប្រាស់ ៨០% ផ្អែកលើការប្រើប្រាស់ កាលពីឆ្នាំ២០២១។ បន្ទាប់ពី មតិដែលថា តម្លៃនៅទីផ្សារខ្ពស់ជាងនោះ នឹងផ្តល់ការលើកទឹកចិត្តឱ្យសន្សំសំចៃ។

សម្រាប់អតិថិជនផ្នែកឧស្សាហកម្មធំៗ ចំនួនប្រហែល ២៥.០០០ នាក់ សម្រាប់តម្លៃប្រើប្រាស់នានា ត្រូវបានគេគ្រោងកំណត់ ៧០% សម្រាប់តម្លៃ​ឧស្ម័ន ៧សេនអឺរ៉ូ និងអគ្គិសនី ១៣ សេនអឺរ៉ូ។  ​ការអនុវត្តនឹងចាប់ផ្តើមពីខែមករា ឆ្នាំ២០២៣ ខាងមុខនេះ។ ចាប់ពីឆ្នាំ២០២៣​ ទៅក្រុមហ៊ុន​​​នានា ដែលទទួលប្រយោជន៍ពីការបញ្ចុះតម្លៃនេះ នឹងប្រឈមការរឹតបន្តឹងលើពួកគេ តើអាចចំណាយប៉ុន្មាន​ក្នុងប្រាក់រង្វាន់ និងភាគលាភនានារបស់​អ្នកគ្រប់គ្រង។

​ក្រុមហ៊ុនដែលទទួលបានប្រាក់ជំនួយរបស់រដ្ឋជាង ២៥ លានអឺរ៉ូ នឹងត្រូវបានហាមឃាត់មិនឱ្យចំ ចំណាយលើប្រាក់ឧបត្ថម្ភ និងប្រាក់ភាគលាភ។ កញ្ចប់ថវិកា ដែលត្រូវបានអនុម័តដោយសមាជិកសភានេះ ក៏រាប់បញ្ចូលផងដែរ នូវការយកពន្ធលើប្រាក់ចំណេញដែលលើសរបស់ក្រុមហ៊ុនផលិត​ថាមពល ដើម្បីផ្តល់ប្រាក់ជំនួយនេះ រួមទាំងវិធានការជំរុញថាមពល ដែលអាចកែច្នៃឡើងវិញបាន៕

http://ព័ត៌មានសភាអន្តរជាតិ ១៦-១២-២២-កែវ ធាវី ប្រែសម្រួលពី៖ https://finance.yahoo.com/news/german-parliament-passes-100-bln-114559237.html