សមាជិកសភាកូរ៉េខាងត្បូងចូលរួមក្នុងសម័យប្រជុំពេញអង្គនៃរដ្ឋសភា ក្នុងរដ្ឋធានីសេអ៊ូល នាថ្ងៃទី០៨ ខែធ្នូ ឆ្នាំ២០២២

​រដ្ឋធានីសេអ៊ូល ៖ កាលពីថ្ងៃព្រហស្បតិ៍ ទី០៨ ខែធ្នូ ឆ្នាំ២០២២ រដ្ឋសភានៃសាធារណរដ្ឋកូរ៉េ​ (កូរ៉េខាងត្បូង) បានអនុម័តសេចក្តីព្រាងច្បាប់មួយចំនួន ដែលតម្រូវឱ្យ​ប្រើប្រាស់​​ប្រព័ន្ធគិតអាយុអន្តរជាតិ នៅក្នុងផ្នែករដ្ឋបាល និងផ្នែកច្បាប់ ជាជាងការប្រើប្រាស់ប្រព័ន្ធគិតអាយុប្រជាពលរដ្ឋសម្រាប់តែប្រទេសកូរ៉េខាងត្បូងមួយប៉ុណ្ណោះ។ ក្រោមការពិនិត្យ​មើលលើ​​ច្បាប់រដ្ឋប្បវេណី និងច្បាប់ទូទៅស្តីពី រដ្ឋបាល​សាធារណៈ ដែលត្រូវបានគេរំពឹងថា​ នឹងចូលជាធរមាននៅខែមិថុនា ឆ្នាំ២០២៣ ខាងមុខ, ប្រព័ន្ធ​អាយុចម្រុះក្នុងប្រទេស​កូរ៉េខាងត្បូង ត្រូវបានគេគ្រោងដាក់បញ្ចូលក្នុងប្រព័ន្ធដែលត្រូវបានទទួលស្គាល់ជា​អន្តរជាតិ ក្នុងកម្រិត​អាយុណាមួយដោយផ្អែកលើថ្ងៃខែឆ្នាំកំណើត។

​ក្នុងប្រទេសកូរ៉េខាងត្បូងបច្ចុប្បន្ន ប្រើប្រាស់ប្រព័ន្ធគិតអាយុ ៣ ប្រភេទ។ ប្រព័ន្ធដែលកំពុងប្រើប្រាស់ជាទូទៅ ភាគច្រើន គឺប្រព័ន្ធអាយុដែលគេហៅថា ក្នុងមនុស្សម្នាក់ចូល​ដល់​អាយុ ១ ឆ្នាំ នៅថ្ងៃកើត និងបូក ១ ឆ្នាំទៀត នៅថ្ងៃទី១ នៃឆ្នាំថ្មី។

​ប្រព័ន្ធអាយុទី២ គឺប្រព័ន្ធដែលត្រូវបានទទួលស្គាល់ជាអន្តរជាតិនេះ ដែលអាយុរបស់មនុស្សម្នាក់ ត្រូវបានកំណត់ ដោយយោងលើថ្ងៃកំណើតរបស់ពួកគេ ខណៈដែលប្រព័ន្ធ​អាយុ​ទី៣ បូកនឹងអាយុនៅថ្ងៃទី១ នៃឆ្នាំថ្មី។

​ការរិះគន់ពីមជ្ឈដ្ឋាននានា ព្រួយបារម្ភថា ប្រព័ន្ធគិតអាយុខុសគ្នា អាចបង្កឱ្យមានភាពច្របូកច្របល់ក្នុងការផ្តល់សវារដ្ឋបាល សេវាសុខភាព សេវាសុខុមាលភាព និងថ្លៃសេវា​សង្គម​​នានាដែលមិនចាំបាច់ត្រូវផ្តល់ឱ្យ។ លោក Yoon Suk-yeol ប្រធានាធិបតីកូរ៉េខាងត្បូង ធ្លាប់បានសន្យាបញ្ចូលប្រព័ន្ធគិតអាយុនេះ នៅក្នុងយុទ្ធនាការបោះឆ្នោត​របស់​លោក៕