លោកស្រី Sanna Marin នាយករដ្ឋមន្ត្រីនៃសាធារណរដ្ឋហ្វាំងឡង់

 ​កាលពីថ្ងៃចន្ទ ទី០៥ ខែធ្នូ ឆ្នាំ២០២២ រដ្ឋាភិបាលនៃសាធារណរដ្ឋហ្វាំងឡង់ បានដាក់សំណើជាផ្លូវការមួយសុំចូលជាសមាជិកអង្គការសន្ធិសញ្ញាអាត្លង់ទិចខាងជើង (NATO) ទៅសភារបស់ខ្លួន ដែលគ្រោងនឹងផ្តល់សច្ចាប័នដោយប្រទេសជាសមាជិកនៃអង្គការសន្ធិសញ្ញាអាត្លង់ទិចខាងជើង ៣០ ប្រទេស។ ទោះបីជាយ៉ាងនេះក្តី សាធារណរដ្ឋតួកគី បានស្នើសុំលើកពេលការអនុម័តរបស់ខ្លួន ដោយសារភាពតានតឹង រវាងរដ្ឋាភិបាលរបស់ខ្លួន និងព្រះរាជាណាចក្រស៊ុយអែត ហើយប្រទេសមួយទៀតក៏កំពុងតែដំណើរ​ការ​សុំចូលជាសមាជិកនៃអង្គការមួយនេះ ផងដែរ។

​បន្ទាប់ពីសហព័ន្ធរុស្ស៊ីបានឈ្លានពានអ៊ុយក្រែនកាលពីចុងខែកុម្ភៈ ឆ្នាំ២០២២ មក ប្រទេសហ្វាំងឡង់ បានសម្រេចលុបចោលជំហរអព្យាក្រឹត្យដែលបានប្រកាន់យកជា​យូរ​មកហើយ លើបញ្ហាជម្លោះប្រដាប់អាវុធ និងបានជ្រើសរើសយកការចូលរួមជាមួយអង្គការណាតូ កាលពីខែឧសភា ឆ្នាំ២០២២ រួមនឹងប្រទេស ​ស៊ុយអែត ដែលនៅជិត​ខាង​តំបន់ Scandinavian។

​លោក Pekka Haavisto រដ្ឋមន្ត្រីក្រសួងការបរទេសហ្វាំងឡង់ បានបញ្ជាក់ក្នុងសភាថា ខណៈដែល​រដ្ឋាភិបាល បានស្នើសុំការអនុម័តលើពិធីសារនៃ​អង្គការសន្ធិសញ្ញាអាត្លង់ទិច​ខាងជើងទៅសមាជិកសភា របស់ខ្លួន កាលពីថ្ងៃចន្ទ ទី០៥ ខែធ្នូ ឆ្នាំ២០២២ រដ្ឋាភិបាលហ្វាំងឡង់បានបោះជំហានមួយទៀតឆ្ពោះទៅដំណើរការចូលរួមជាមួយអង្គការនេះ។

​សមាជិកសភាជាច្រើនរូប នឹងសម្រេច ថាតើត្រូវសម្រេចលើសំណើរបស់រដ្ឋាភិបាល ឬអត់។ បន្ទាប់ពី សមាជិកសភាទាំងនោះ បានអនុម័តសំណើនេះរួច ហើយបញ្ជូនទៅ​លោក Sauli Niinistö ប្រធានាធិបតីចុះហត្ថលេខា។ នៅទីបញ្ចប់កិច្ចខិតខំប្រឹងប្រែងរបស់សមាជិកភាពរបស់ខ្លួន នឹងត្រូវបានអនុម័តដោយប្រទេស​ជាសមាជិកអង្គការណាតូ​សរុប ៣០ ប្រទេស។

​នៅសល់តែរដ្ឋជាសមាជិកនៃអង្គការណាតូមួយចំនួនប៉ុណ្ណោះ មិនទាន់បានអនុម័តលើកិច្ចខិតខំប្រឹងប្រែងក្នុងការស្នើសុំចូលរបស់សមាជិកនៃក្រុមប្រទេសនៅតំបន់ Scandinavian ដែលរួមមាន​ ប្រទេសហុងគ្រី និងតួកគី។ ខណៈដែលការអនុម័តរបស់ប្រទេហុងគ្រី ត្រូវបានគេរំពឹងថា នឹងប្រព្រឹត្តទៅនៅប៉ុន្មានសប្តាហ៍ខាងមុខនេះ ប្រទេស​តួកគីកំពុងតែលើកពេលដំណើរការគាំទ្រជាប្រវត្តិសាស្ត្ររបស់ ប្រទេសស៊ុយអែតចំពោះក្រុមគាំទ្រជនជាតិ Kurdish៕

http://ព័ត៌មានសភាអន្តរជាតិ ០៧-១២-២២-កែវ ធាវី ប្រែសម្រួលពី៖ https://www.brusselstimes.com/332567/finnish-government-submits-nato-accession-proposal-to-parliament