សភាជប៉ុនពិនិត្យពិភាក្សាលើសេចក្តីព្រាងវិធានមួយចំនួនស្តីពី ការរៃអង្គាសវិភាគទានសម្រាប់សាសនា

 ​នៅថ្ងៃអង្គារ ទី០៦ ខែធ្នូ ឆ្នាំ២០២២ នេះ សភាជប៉ុន នឹងពិនិត្យពិភាក្យាលើសេចក្តីព្រាងច្បាប់មួយ ដែលអាចជួយប្រជាពលរដ្ឋ​ ដែលត្រូវបានធ្វើអាជីវកម្មដោយព្រះវិហារ Unification Church។ សេចក្តីព្រាងច្បាប់នេះ មានគោលបំណងបញ្ញត្តិអំពីកិច្ចខិតខំប្រឹងប្រែងក្នុងការរៃ​អង្គាសវិភាគទានសម្រាប់ក្រុមសាសនានានា។ គណបក្សកាន់អំណាច​ដ៏សំខាន់ជាងគេ គឺគណបក្សប្រជាធិបតេយ្យសេរី បានបញ្ជូនសេចក្តីព្រាងច្បាប់ដែលត្រូវបានពិនិត្យមើលឡើងវិញនេះ បន្ទាប់ពីគណបក្សប្រឆាំងធំ ២ បានអំពាវនាវឱ្យបង្កើន​ប្រសិទ្ធភាពបន្ថែមទៀត។ គណបក្សនយោបាយធំពីរ ចង់ឱ្យអាជ្ញាធរគ្រប់លំដាប់ថ្នាក់ទប់ស្កាត់អាជីវកម្មលើសាសនាទាំងនេះ មិនឱ្យប្រមូលវិភាគទានខុសពីសេចក្តីប្រាថ្នា​របស់ប្រជាពលរដ្ឋ។

​ប៉ុន្តែ គណបក្សកាន់អំណាច បានឱ្យដឹងថា ខ្លួនពិបាកដាក់បញ្ចូលបម្រាមស្តីពី ការបរិច្ចាគដែល ត្រូវបានគេប្រមូលដោយដាក់កម្រិតនេះឡើយ។ គណបក្សកាន់អំណាច នឹងជំនួស​វិញដោយតម្រូវឱ្យអាជ្ញាធរគ្រប់លំដាប់ថ្នាក់ចេញការព្រមាន ឬចេញឈ្មោះអាជីវកម្មដែលរៃអង្គាសមិនត្រឹមត្រូវ។

​គណបក្សប្រឆាំងបានឱ្យដឹងថា នៅតែមានឱកាសសម្រាប់ការកែលម្អឡើងវិញ។ អគ្គលេខាធិការគណបក្សប្រជាធិបតេយ្យរដ្ឋធម្មនុញ្ញបានថ្លែងថា «យើងគិតថា​ បម្រាមស្តីពី ការរៃអង្គាសដោយដាក់កម្រិតនេះ គឺជាចំនុចសំខាន់ ហើយប្រសិនបើរឿងនោះ មិនកែប្រែទេ នោះនៅតែមានបញ្ហាដដែល»។

លោក Motegi Toshimitsu អគ្គលេខាធិការគណបក្សប្រជាធិបតេយ្យសេរី បានថ្លែងថា សេចក្តីព្រាងច្បាប់ដែលត្រូវពិនិត្យមើលឡើងវិញនេះ បានដាក់បញ្ចូលនូវអ្វី​ដែល​ស្រប​តាមប្រព័ន្ធច្បាប់បច្ចុប្បន្ន គណបក្សនយោបាយធំទាំងពីរ នឹងបើកកិច្ចប្រជុំគណៈកម្មាធិការមួយនៅថ្ងៃអង្គារ ទី០៦ ខែធ្នូ ​ឆ្នាំ២០២២ នេះ បន្ទាប់ពីកិច្ចពិភាក្សានេះ។​ ក្រុមគណបក្សកាន់អំណាចចង់អនុម័តច្បាប់នេះ ក្នុងអំឡុងសម័យប្រជុំសភា នៅក្នុងឆ្នាំ២០២២ នេះ ដែលនឹងបញ្ចប់នៅថ្ងៃសៅរ៍ ទី១០ ខែធ្នូ ឆ្នាំ២០២២ នេះ៕

http://ព័ត៌មានសភាអន្តរជាតិ ០៦-១២-២២-កែវ ធាវី ប្រែសម្រួលពី៖ https://www3.nhk.or.jp/nhkworld/en/news/20221205_38/