សហភាពអន្តរសភា (IPU) ថ្កោលទោសយ៉ាងខ្លាំងបំផុត ចំពោះអំពើហិង្សាដែលកើតឡើងក្នុងរដ្ឋសភា (សភាតែមួយថ្នាក់)នៃសាធារណរដ្ឋសេណេហ្គាល់ កាលពីសប្តាហ៍មុន។​ អំពើហិង្សានេះ ប្រព្រឹត្តិដោយ លោកYewi Askanwi (សមាជិករដ្ឋសភា) និងលោកMoustapha Sy(សមាជិករដ្ឋសភា) លើលោកស្រី Gniby Amy Ndiaye សមាជិករដ្ឋសភា និងជាស្រ្តីកំពុងមានផ្ទៃពោះ។

​គ្រប់ទម្រង់នៃអំពើហិង្សាលើរាងកាយសមាជិកសភា ឬអំពើហិង្សារវាងសមាជិកសភានិងសមាជិកសភា គឺមិនអាចទទួលយកបានដាច់ខាត ទោះបីក្នុងស្ថានភាពណាក៏ដោយ។ អំពើហិង្សាលើសមាជិកា សភាដែលមានផ្ទៃពោះ គឺជារឿយគួរឱ្យតក់ស្លុត ហើយវាកាន់តែតក់ស្លុតទៅទៀត នៅពេលដែលទង្វើនេះ កើតឡើង ក្នុងអំឡុងយុទ្ធនាការប្រចាំឆ្នាំ​ចំនួន១៦ថ្ងៃ នៃសកម្មភាពនិយមប្រឆាំងនឹងអំពើហិង្សាទាក់ទងនឹងយេនឌ័រ(The 16 Days of Activism against Gender-Based Violence)។ យុទ្ធនាការនៃ នេះគឺអនុវត្តបន្ត​ពីទិវាអន្តរជាតិសម្រាប់ការលុបបំបាត់អំពើហិង្សាលើស្រ្តី(International Day for Elimination of Violence against Women)ថ្ងៃទី២៥ ខែវិច្ឆិកា។

​លោកMartin Chungong អគ្គលេខាធិការសហភាពអន្តរសភា (IPU) បានថ្លែងថា ”ខ្ញុំថ្កោលទោសខ្លាំងបំផុត ចំពោះការវាយប្រហារដ៏អាក្រក់បំផុតនេះ។ សភា ត្រូវតែជាកន្លែង​មួយ​ដែលមានសុវត្ថិភាព ដើម្បីដើរតួជាស្ថាប័នដ៏រឹងមាំសម្រាប់លទ្ធិប្រជាធិបតេយ្យតំណាង។ គេមិនគួរអត់ឱនជាដាច់ខាត (Zero tolera nce) ចំពោះគ្រប់ទម្រង់នៃការរើស​អើង​ភេទ (Sexism) និងគ្រប់ទម្រង់នៃអំពើហិង្សា ជាពិសេសអំពើ ហិង្សាលើសមាជិកា ដែលជាទូទៅ គឺជាក្រុមភាគតិចនៅក្នុងសភា។”

​សហភាពអន្តរសភាស្នើឱ្យប្រធានរដ្ឋសភាប្រទេសសេណេហ្គាល់ បើកការស៊ើបអង្កេតពេញលេញ និងចាត់វិធានការចំបាច់លើអ្នកប្រព្រឹត្តិ ដើម្បីធានាថាស្ថាប័នសភា​ និងអ្នក​ធ្វើការក្នុងស្ថាប័ននេះ ពិតជាទទួលបាននូវការគោរព។

​អំពើហិង្សាខាងលើ​ កើតឡើងបន្ទាប់ការសិក្សាស្រាវជ្រាវរួមគ្នាមួយ កាលពីឆ្នាំមុនរវាងសហភាពអន្តរ សភា (IPU) និងសហភាពសភាអាហ្វ្រិក (APU) ដែលការសិក្សានេះ​បាន​បង្ហាញថា ការរើសអើងភេទ ការបៀតបៀន(Harassment) និងអំពើហិង្សាលើស្រ្តី គឺកើតមានឡើងច្រើននៅក្នុងសភានៃបណ្តាប្រទេសក្នុងទ្វីបអាហ្រ្វិក៕

http://ព័ត៌មានអន្តរជាតិ ០៦-១២-២២- មាស តូនី ប្រែសម្រួលពី៖ https://www.reuters.com/world/europe/french-lower-house-votes-toughen-penalties-illegal-squatting-homes-