លោក Abdullah ibn Muhammad Al ash-Sheikh ប្រធានសភានៃព្រះរាជាណាចក្រអារ៉ាប៊ីសាអូឌីត
រដ្ឋធានីហ្សាកាតា៖ លោកបណ្ឌិត Abdullah bin Mohammed bin Ibrahim Al Al-Sheikh ប្រធានក្រុមប្រឹក្សា Shura (សភានៃព្រះរាជាណាចក្រអារ៉ាប៊ីសាអូឌីត) បានដឹកនាំគណៈប្រតិភូសភាចូលរួមក្នុងកិច្ចប្រជុំកំពូលប្រធានសភានៃក្រុមប្រទេស G20 លើកទី៨ ដែលធ្វើជាម្ចាស់ដោយសភានៃសាធារណរដ្ឋឥណ្ឌូនេស៊ី ក្រោមកិច្ចសហប្រតិបត្តិការជាមួយសហភាពអន្តរសភា(IPU)។
ប្រធានសភានៃក្រុមប្រទេស G20 នឹងពិនិត្យមើលលើកិច្ចការជាច្រើនក្នុងរបៀបវារៈនៃកិច្ចប្រជុំ រួមមាន ការពង្រឹងការអភិវឌ្ឍប្រកបដោយចីរភាព សេដ្ឋកិច្ចបៃតង និងកិច្ចការបន្ទាន់ៗ ពាក់ព័ន្ធនឹងសន្តិសុខ ស្បៀងអាហារ និងថាមពល បញ្ហាប្រឈមនៃសេដ្ឋកិច្ច ព្រមទាំងប្រសិទ្ធភាពនៃតួនាទីរបស់សភា។ លោក Al-Sheikh បានសង្កត់ធ្ងន់ថា ព្រះរាជាណាចក្រអារ៉ាប៊ីសាអូឌីត ក្រោមព្រះរាជកិច្ចដឹកនាំរបស់ព្រះអង្គ bin Abdulaziz Al Saud និងព្រះអង្គម្ចាស់ Mohammed bin Salman bin Abdulaziz Al Saud ដែលជាព្រះរជ្ជទាយាទ និងជានាយករដ្ឋមន្រ្តីអារ៉ាប៊ីសាអូឌីត កំពុងទតមើលការជួបជុំដ៏ធំជាអន្តរជាតិមួយនេះ ជាមួយនឹងសារៈសំខាន់ខ្ពស់បំផុត ដោយសារតែតួនាទីរបស់ក្រុមប្រទេស G20 ចំពោះសេដ្ឋកិច្ចសកល និងជាការបើកឱកាសនៃទស្សនវិស័យសម្រាប់មនុស្ស។
