ទិដ្ឋភាពទូទៅក្នុងសម័យប្រជុំសភានៃសាធារណរដ្ឋឆែក

​សមាជិកសភានៃសាធារណរដ្ឋឆែកបានប្រកាសថា រុស្ស៊ីគឺជារដ្ឋគាំទ្រអំពើភេរវនិយម ដោយសំឡេងគាំទ្រភាគច្រើនលើសលប់ ដោយបានថ្កោលទោសអំពើឈ្លានពាន​របស់​សហព័ន្ធរុស្ស៊ីលើប្រទេសអ៊ុយក្រែន និងមិនទទួលស្គាល់ការធ្វើប្រជាមតិបញ្ចូលជាឧបសម្ព័ន្ធនៃតំបន់ភាគខាងកើត  ចំនួន៤ របស់អ៊ុយក្រែ​ន។

​សភាឆែកបានចេញសេចក្តីថ្លែងការណ៍មួយថា សមាជិកសភាសរុបចំនួន ១២៩រូប នៃ ១៥៦រូប  បានបោះឆ្នោតគាំទ្រសេចក្តីសម្រេចព្រាងប្រកាសថា រដ្ឋរុស្ស៊ីគឺជាអ្នកផ្តល់​ហិរញ្ញវត្ថុដល់អំពើភេរវនិយម មខណៈដែលសមាជិកសភារបស់គណបក្សស្តាំនិយមជ្រុល គឺគណបក្សសេរីភាព និងប្រជាធិបតេយ្យដោយផ្ទាល់ (SPD) ទាំង១៤រូប បាន​បោះឆ្នោតជំទាស់ និងអនុបវាទ ១៣រូប។  សភាជាន់ទាបឆែកបានថ្កោល ទោសអំពើឈ្លានពានរបស់រុស្ស៊ីនៅក្នុងប្រទេសអ៊ុយក្រែន ជាពិសេស ការវាយប្រហារទ្រង់ទ្រាយធំ​លើប្រជា ជនស៊ីវិល ទ្រព្យសម្បតិ្តពលរដ្ឋ និងហេដ្ឋារចនាសម្ព័ន្ធថាមពលសំខាន់ៗ ដោយបានអះអាងថា “រុស្ស៊ីបានប៉ុនប៉ងយ៉ាងច្បាស់ក្រឡែត ដើម្បីសម្រេចបានគោលដៅ​នយោបាយតាមរយៈ “ការគំរាមកំហែងបំភិតបំភ័យលើប្រជាជនស៊ីវិល”។

សមាជិកសភាឆែកភាគច្រើនកត់សម្គាល់ថា ការវាយប្រហាររបស់រុស្ស៊ីបានបណ្តាលឱ្យមានការរឹត ត្បិតជាទូទៅ ឬកាត់ផ្តាច់ការផ្គត់ផ្គង់ថាមពល ទឹក និងកម្តៅ បង្កគ្រោះថ្នាក់ដល់​ប្រជាជនស៊ីវិល។ ការបាញ់ផ្លោង និងការពង្រាយកងទ័ពនៅតំបន់រោងចក្រថាមពលបរមាណូ Zaporiyia គឺជាការគំរាមកំហែងមួយ មិនមែនគ្រាន់តែលើទឹកដីអ៊ុយក្រែន​នោះទេ។ ការគំរាមកំហែងដោយផ្ទាល់ ឬប្រយោលក្នុងការប្រើអាវុធបរមាណូ ក៏ដូចជា ការចោទប្រកាន់ប្រឌិត និងគ្មានហេតុផលថា អ៊ុយក្រែនមានផែនការប្រើប្រាស់អាវុធ​មហាប្រល័យ គឺជាការបង្កើនភាពតានតឹងដ៏គ្រោះថ្នាក់  និងជាការគំរាមកំហែងដល់សន្តិសុខអឺរ៉ុបទាំងមូល។

គួរបញ្ជាក់ផងដែរថា សាធារណរដ្ឋឆែកគឺជាប្រធានប្តូរវេនសហភាពអឺរ៉ុប រហូតដល់ដំណាច់ឆ្នាំ២០២២នេះ ហើយក៏ជាអ្នកគាំទ្រមួយដ៏សំខាន់ដល់រដ្ឋាភិបាលអ៊ុយក្រែន​ក្នុង​ការ​ការពារខ្លួនពីការឈ្លាន ពានរបស់សហព័ន្ធរុស្ស៊ី។  យោងតាមទីភ្នាក់ងារសារព័ត៌មានអាល្លឺម៉ង់ DPA បានឱ្យដឹងថា ក្រោមរដ្ឋាភិបាល  ទីក្រុងប្រាកនៃគណបក្សអភិរក្ស​​សេរី​និយម សាធារណរដ្ឋឆែកបានបញ្ជូនគ្រឿងសព្វាវុធទៅកាន់ប្រទេស អ៊ុយក្រែន ដែលមានតម្លៃជាង ១.៨ពាន់លានអឺរ៉ូ៕

http://ព័ត៌មានសភាអន្តរជាតិ ១៧-១១-២២- ឈាវ សុផាត ប្រែសម្រួលពី៖ https://www.msn.com/en-in/news/world/parliament-of-czech-republic-declares-russia-a-state-sponsor-of-terrorism/ar-AA149CtD