ទិដ្ឋភាពក្នុងសម័យប្រជុំរដ្ឋសភាវៀតណាមនាថ្ងៃទី១៤ ខែវិច្ឆិកា ឆ្នាំ២០២២ (Photo: VNA)

​រដ្ឋធានីហាណូយ៖ សមាជិករដ្ឋសភានៃសាធារណរដ្ឋសង្គមនិយមវៀតណាម បានពិនិត្យ និងអនុម័តលើសេចក្តីព្រាងច្បាប់ស្តីពី អធិការកិច្ចដែលបានពិនិត្យពិភាក្សារួច និង​សេចក្តីព្រាងច្បាប់ស្តីពី ប្រេងឥន្ធនៈដែលបានពិនិត្យពិភាក្សារួចក្នុងអំឡុងពេលដំណើរការសម័យប្រជុំលើកទី៤ នៃរដ្ឋសភាវៀតណាមនីតិកាលទី១៥ ក្នុងរដ្ឋធានីហាណូយ កាលពីថ្ងៃទី១៤ ខែវិច្ឆិកា ឆ្នាំ២០២២។ សេចក្តីព្រាងច្បាប់ស្តីពី អធិការកិច្ច មាន ៨ ជំពូក និង ១១៨ មាត្រា ដែលនឹងចូលជាធរមានចាប់ពីថ្ងៃទី០១ ខែកក្កដា ឆ្នាំ២០២៣ តទៅ។ យោងតាមរបាយការណ៍ស្តីពី ការកែសម្រួលសេចក្តីព្រាងច្បាប់នេះ សំឡេងភាគច្រើននៃសមាជិករដ្ឋសភាបានអនុម័តបញ្ញត្តិស្តីពី ការបង្កើតភ្នាក់ងារ​អធិការកិច្ចក្រោម​ចំណុះអគ្គនាយកដ្ឋាន និងនាយកដ្ឋានរបស់ក្រសួងនានា។

​យោងតាមបញ្ញត្តិនេះ រដ្ឋាភិបាល នឹងពិចារណាលើការសម្រេចបង្កើតភ្នាក់ងារអធិការកិច្ចនៅតាមក្រសួងនានា។ គណៈកម្មាធិការអចិន្ត្រៃយ៍នៃរដ្ឋសភាវៀតណាម បានស្នើឱ្យ​អង្គនិតិបញ្ញត្តិការពារបញ្ញត្តិនៃច្បាប់ពាក់ព័ន្ធនឹងការងារអធិការកិច្ចនេះនៅតាមបណ្តាខេត្ត-ក្រុងនានា។ បើយោងតាមគណៈកម្មាធិការ ប្រជាជនថ្នាក់ខេត្ត នឹងបង្កើតភ្នាក់ងារ​អធិការកិច្ចខេត្ត ដោយផ្អែកលើតម្រូវការគ្រប់គ្រងក្នុងមូលដ្ឋាន រួមទាំងផែនការបុគ្គលិកដែលត្រូវបានដាក់ចេញ។

​សេចក្តីព្រាងច្បាប់ស្តីពី ប្រេងឥន្ធនៈ ដែលមាន ១១ ជំពូក និង ៥៩ មាត្រា ក៏នឹងចូលជាធរមានចាប់ពីខែកក្កដា ឆ្នាំ២០២៣ ខាងមុខនេះដែរ។ របាយការណ៍ស្តីពីសេចក្តីព្រាង​ច្បាប់នេះ បានបញ្ជាក់ទៀតថា​ គណៈកម្មាធិការអចិន្ត្រៃយ៍នៃរដ្ឋសភា បានពិនិត្យលើគោលនយោបាយស្តីពី ការធ្វើអាជីវកម្មរ៉ែ, ក្រុមរ៉ែ, ប្រេង និងឧស្ម័នជាច្រើនក្នុង​សេចក្តី​ព្រាង​​ច្បាប់នេះ ដែលជាគោលការណ៍ច្បាប់សម្រាប់ធ្វើឱ្យធនធានប្រេង និងឧស្ម័នបើកចំហរកាន់តែទូលំទូលាយឡើង, ការចូលរួមលើកកម្ពស់ការប្រមូលថវិកាជាតិ។ សេចក្តី​ព្រាងច្បាប់នេះ បានបំពេញ បន្ថែមគោលការណ៍ស្តីពី ការគោរពច្បាប់វៀតណាមស្តីពី​ ការឆ្លើយតបនឹងការបង្ហូរប្រេង និងសកម្មភាពទាញយកប្រយោជន៍ពីការស្រាវជ្រាវលើ​ប្រេងឥន្ធនៈ និងសកម្មភាពដែលបង្កឱ្យមានការបំពុលបរិយាកាស៕

http://ព័ត៌មានសភាអន្តរជាតិ ១៥-១១-២២-កែវ ធាវី ប្រែសម្រួលពី៖ https://en.vietnamplus.vn/national-assembly-passes-two-draft-revised-laws/243834.vnp