លោក Volodymyr Zelenskyy ប្រធានាធិបតីអ៊ុយក្រែន ស្នើសភាបន្តច្បាប់អាជ្ញាសឹក និងកំណែនកងទ័ព

ជាមួយនឹងកិច្ចខិតខំប្រឹងប្រែងដើម្បីបន្តទប់ទល់នឹងកងកម្លាំងរបស់សហព័ន្ធរុស្ស៊ី សភាអ៊ុយក្រែន បានបន្តច្បាប់អាជ្ញាសឹក និងកំណែនកងទ័ពនៅក្នុងប្រទេសមួយនេះ សម្រាប់​រយៈពេល ៩០ថ្ងៃទៀត​ រហូត ដល់ថ្ងៃទី១៩ ខែកុម្ភៈ ឆ្នាំ២០២៣។ ការអនុម័តសេចក្តីព្រាងច្បាប់ដែលស្នើឡើងដោយលោក Volodymyr Zelenskyy ប្រធានាធិបតី​អ៊ុយក្រែន​នឹងចូលជាធរមាននៅថ្ងៃទី២១ ខែវិច្ឆិកា ឆ្នាំ២០២២ នៅពេលដែល ច្បាប់ចាស់ស្តីពីការបន្តច្បាប់អាជ្ញាសឹកផុតសុពលភាព។

ការបន្តច្បាប់អាជ្ញាសឹក និងកំណែនកងទ័ពលើកមុន បន្ទាប់ពីមានសង្រ្គាមមក ត្រូវបានអនុម័តកាល​ ពីថ្ងៃទី១៥ ខែសីហា ឆ្នាំ២០២២ សម្រាប់រយៈពេល ៩០ថ្ងៃ​។ ច្បាប់អាជ្ញា​សឹកក្នុងប្រទេសអ៊ុយក្រែន បាន ប្រកាសចេញជាលើកដំបូងដោយលោកប្រធានាធិបតី Zelenskyy នៅថ្ងៃទី២៤ ខែកុម្ភៈ ឆ្នាំ២០២២ នៅ ពេលដែលសហព័ន្ធរុស្ស៊ីបាន​ចាប់​ផ្តើម​ធ្វើសង្រ្គាមរបស់ខ្លួនមកលើប្រទេសជិតខាងមួយនេះ។ ច្បាប់នេះ ត្រូវបានពន្យារពេលជាលើកដំបូងក្នុងខែមីនា សម្រាប់រយៈពេល ៣០ថ្ងៃ…៕

https://www.aa.com.tr/en/russia-ukraine-war/ukraine-extends-martial-law-mobilization-for-90-days-until-feb-19/2733341