កាលពីថ្ងៃព្រហស្បតិ៍ ទី១៣ ខែវិច្ឆិកា ឆ្នាំ២០២២សមាជិកសភាបារាំងស្តាំនិយមបានបង្កភាពចលាចលដោយស្រែកថា “ត្រឡប់ទៅអាហ្វ្រិកវិញ” អំឡុងពេលដែលសមាជិក​សភាស្បែកខ្មៅមួយរូបកំពុងមានយោបល់នៅក្នុងសម័យប្រជុំសភាដែលកំពុងផ្សាយជាសាធារណៈ។

លោក Grégoire de Fournas សមាជិកសភាមកពីគណបក្ស National Rally (RN) បានរំខានលោក Carlos Martens Bilongo ដែលជាសមាជិកសភាស្បែកខ្មៅ មកពី​គណបក្សឆ្វេងនិយម France Unbowed (LFI) ក្នុងអំឡុងពេលសម័យប្រជុំរដ្ឋសភាដោយស្រែកថា “ត្រឡប់ទៅអាហ្វ្រិកវិញទៅ”។

ភាពវឹកវរនេះបានកើតឡើងភ្លាមៗនៅក្នុងសភា ដែលធ្វើឱ្យលោក Yaël Braun-Pivet ប្រធានរដ្ឋសភា ផ្អាកសម័យប្រជុំជាបណ្តោះអាសន្ន។ សភា​នឹង​បើក​កិច្ច​ប្រជុំ​នៅ​ថ្ងៃ​សុក្រ ទី១៤ ខែវិច្ឆិកា ឆ្នាំ២០២២ ​ដើម្បី​សម្រេច​លើ​ការ​ដាក់​ទណ្ឌកម្ម​ដ៏តឹងរ៉ឹងបំផុត លើ​លោក de Fournas៕